کۆمەڵەی بنەماڵەی شەهیدان (کۆماو)ـی سویسرا، سێیەمین کۆنگرەی خۆی ئەنجامدا، کۆنگرەکە لە ناوەندی کوردی دیموکراتیکی بازل (دەم_کورد) ئەنجامدرا. هاوسەرۆکانی کۆنسەی کوردی دیموکراتیکی سویسرا (جەدەکە_سە) و یەکێتیی ژنانی کوردی سویسرا (یەژەکە_سە)، ئەندامان و بنەماڵەی شەهیدان بەشداربوون. لە کۆنگرەکەدا ٩ کەس بۆ بەڕێوەبەریی نوێ هەڵبژێردران.

وتەبێژی کۆماو، موستەفا کاراهان وتەی بەخێرهاتنی پێشکەش کرد. پاش خولەکێک وەستان بۆ گیانی شەهیدان، عەلی شیشمەک و جەمال ئۆزدەمیر و گولسوم تاتلی بۆ دیوانی کۆنگرە هەڵبژێردران.

عەلی شیشمەک ڕایگەیاند بە پرۆسەیەکی گرنگدا تێدەپەڕین و پێویستە کۆنگرەکە بەپێی گرنگیی پرۆسەکە بەڕێوەبچێت، گوتی: "تەنها بە بەدیهێنانی خەونی شەهیدان دەتوانین شایستەی ئەوان بین".

دواتر بڕیارەکانی کۆنگرەی ١٢هەمینی پەکەکە دەربارەی شەهیدان خوێنرایەوە، سیاسەتمەدار سادق باتور گوتی: "پرۆسەی نوێ ئەرک و بەرپرسیارێتیی نوێ دەخاتە ئەستۆی هەمووان".

هاوسەرۆکی جەدەکە_سە جەمال ئۆزدەمیر ڕایگەیاند لە بەرخۆدانی ٥٢ ساڵەدا هەزاران شەهید بەخشراون و بەرخۆدانی شەهیدان ڕێگەی بۆ گەلی کورد کردەوە.

دایکی ئاشتی: باوەڕمان بە ڕێبەرەکەمانە و دەبێت دەستی وی بەهێز بکەین

دایکی ئاشتی، دۆندو ئەرین، گوتی: "ئێمە باوەڕمان بە ڕێبەرەکەمانە، دەبێت دەستی ڕێبەر ئاپۆ بەهێز بکەین".

تەجەشە: لەسەر ڕێچکەی ڕێبەر ئاپۆ و شەهیدان دەبین

لەسەر ناوی تەڤگەری گەنجانی شۆڕشگێڕ (تەجەشە) ئارگەش وڵات گوتی: "وەک گەنجان، بەپێداگرییەوە لەسەر ڕێچکەی ڕێبەر ئاپۆ و شەهیدان دەبین. خاوەنداری لە میراتی تێکۆشانیان دەکەین. دەبێت تێکۆشان پتەوتر بکەین دژی جیهانی سەرمایەداری".

لە کۆنگرەکەدا ڕاپۆرتی کاروخەبات خوێنرایەوە، ٩ کەس بۆ بەڕێوەبەریی نوێ هەڵبژێردران.

کۆنگرەکە بە درووشمی "شەهید نامرن" و "بژی سەرۆک ئاپۆ" کۆتایی هات.