لە ئێوارەی رۆژی سێشەممە حکومەتی هەرێمی گوجەرات بەیاننامەیەکی بڵاوکردەوە و ڕایگەیاند: "بەهۆی ڕووداوەکانی پەیوەست بە بارانبارینەوە ١٨ هاوڵاتی ژیانیان لەدەستداوە و بەدەیان کەس لە ناوچە نزمەکاندا ڕزگار کراون."

بەگۆێرەی بەیاننامەکە حکومەتی هەرێمەکە ئەمڕۆ چوارشەممە، کەسانێکی زۆر بەهۆی هەورە بروسکەوە و کەسانێکی دیکەش بەهۆی داڕمانی بیناکانەوە ژیانیان لەدەستداوە.

حکومەت ڕایگەیاندووە، پێشبینی بارانبارینی بەخوڕتر دەکەن و بۆیە دەستیان بە هەوڵدان بۆ خۆپارێزی زیاتر کردووە.

لە هێندستان لە نێوان مانگەکانی تەمموز و ئەیلول کە وەرزی گەرمایە لافاو و ڕۆیشتنی زەوین ڕوودەدات. زانایان دەڵێن بەهۆی گۆڕانی کەشوهەوا ئەم جۆرە ڕووداوانە زیادیان کردووە.