بەشی ئاسیای کۆڕبەندی کۆمەڵایەتی جیهانی ئەمساڵ لە نێوان ١٥-١٩ی شوبات لە پایتەختی نیپاڵ بەڕێوەچوو.

لە کۆربەندەکەدا بابەتەکانی ئابووری، نایەکسانی، کێشەکانی کەشوهەوا، مافی کرێکاران، کۆچبەری، جیاکاری چینایەتی، نایەکسانی رەگەزی، ئاشتی و گەشەپێدانی بەردەوام تاوتوێ کران.

لەو کۆڕبەندەدا کە لە کاتماندۆی پایتەخت بەڕێوەچوو، نزیکەی ٤٠ هەزار کەس لە هەزار و ١٨٨ رێکخراوی جیاجیای ٩١ وڵاتەوە، کە زۆرینەیان لە ئاسیان بەشداربوون.

لەدووەم رۆژی کۆڕبەندەکەدا چەندین بەرنامە و دانیشتنی جیاجیا ئەنجامدران و گفتوگۆ لە سەر چەند بابەتێک کرا.

لە پرسی 'دیموکراسی رادیکاڵ' چەندین رێکخراوی ئاسیایی و هەروەها بە نوێنەرایەتی ئەکادیمیای مۆدێرنیتەی دیموکراتیک، ژنۆلۆژی و کۆنگرەی ستار چەندین نوێنەر ئامادەبوون و گفتوگۆی چڕ لەوبارەوە کرا.

خستنەڕووی بابەتەکان بۆ ناساندنی ئەندێشە و فەلسەفەی رێبەری گەلی کورد عەبدوڵا ئۆجالان پێشوازییەکی زۆری لێکرا.

هەروەها ژمارەیەکی زۆر بروشەر و بڵاوکراوە و نامیلکە لەسەر ئەو بابەتە دابەش کران.

لە بەرنامەکاندا بەشداربووانی بڵاوکراوەیەکیان بە زمانی ئینگلیزی لەبارەی ئازادیی جەستەیی رێبەری گەلی کورد عەبدوڵا ئۆجالانەوە خوێندەوە.

هـ . ب