چالاکییەکێ پەی ئازادی ڕێبەر ئۆجالانی بەردەۋامێنێ، کە نزیک بە ۲۰ ساڵێن بە"دیل" گیریان و زیاتەر جە ۳ ساڵێن چارەنوسش نادیارەن. جەی چوارچێۋەنە بڕیارەن ۲ ئەیلولی ئایندەی جە ئەڵمانیا، گەنجێ کوردی بە دروشمو "دژ بە فاشیزمی سەرهوردە و ڕێبەر ئاپۆی ئازاد بکەرە"، ڕاپیمایی درێژی ٦ڕۆچی ئەنجام مڎانە.
ڕاپیمایەکە ۲ ئیلولی جە شارو دۆرتمۆندی دەست پنە مەکەرۆنە و ۷ ئەیلولی جە شارو دۆسڵدۆرفی کۆتاییش پنە مەیۆنە.

سەبارەت بە راپیمایەکەی، ڕێکۋزەکێش ۋەڵاکریاشان دان و ئاشکراشان کەردەن: جە ئیسەنە وەرهۆرزی میانی "ڕۆژهەڵاتی ناوین" بە گشتی و کوردستان بە تایبەتی ڕووبەروو جەنگی سەختی بیێنێ، بەڵام بە پارادیگما و فەلسەفەکەو ڕێبەر ئۆجالانی فاڕیای سەرو جەنگەکەیەرە و هامسەنگییەکەیشەرە مەیۆنە و هامپەیمانی لاینە جەنگەرانەکان تێک مڎۆنە.

جە ۋەڵاکریاکەنە، ئاماژە بە گۆشەگیرکەردەی ئۆجالانی کریان، کە نزیک بە ۲۰ ساڵێن بە قورسی بەردەۋامەن و ۳ ساڵێن یاۋان لوتکە، کە جە جیهانەنە نموونەش نەبیەن و نییەن. هەرپاسە داۋاشان کەردەن: کۆتایی بە گۆشەگیریەکەی باریۆنە و ڕا بڎریۆنە تا پارێزەرێ و بنەماڵەکەش سەردای ئیمرالی بکەرانە و هەواڵ و زانیارێ جە ڕێبەر ئاپۆی پەی ڕای گردی باراۋە و چارەنوسش دیاری بکریۆنە.

جە کۆتایی ۋەڵاکریاکەیەنە، داۋا جە گرد کەسێ بە تایبەتی گەنجێ، ژەنی، دیموکرات و ئازیادیۋازێ کوردێ و بیانیێ کریان تا ۲ ئەیلولی جە دۆرتمۆند ئامادێ ببانە و پەی ئازادی ڕێبەرەکەیشان بە ڕۆل و ئەرکی مێژوویی و نیشتمانی و مرۆیی (ئینسانی) وێشان هۆربێزانە و بە دوشمو "دژ بە فاشیزمی سەرهوردە و ڕێبەر ئاپۆی ئازاد بکەرە"، گوڕ بە خەبات و کۆشای ئازادی بڎانە.