دێرەگا شەۋێ ۋیەردێ، جە سەربازگەو کانی ماسی-یەۋە، دەگاو ڕاڤیانی کە سەر‌ بە قەزاو ئامێدی پارێزگەو دهۆک-یەنە، جەلاو هێزە داگیرکەرەکا تورکیای  تۆپۋاران و هاۋەنۋاران کریێنە و دەرەنجامشەنە هاموڵاتیێۋ بەنامێ "مه‌جید سلێمان"ی شەهید بیەن.

هاموەخت، دەگاو ئۆزماناوی کە سه‌ر به‌ شارچە مانگێشكێی هەمان پارێزگەیەنە، جەلاو فڕۆکە جەنگیەکا سپا داگیرکەرەکەو تورکیای پەی ماۋێۋی درێژی بۆردومان کریێنە و جە ئاکامشەنە زیانی مادی فرەش بە ژیۋگەکێش یاۋان.