جە عه‌فرین ١٢ هاموڵاتیێ سیڤیل ئەڕفێنیێ
جە دەگاو (میرکان)و عەفرینی داگیرکریای تاقمە چەتەکێ سەر بە تورکیای ۱۳ هاموڵاتیێ تەرێا ئەڕفانێ.
ئاژانسو هەۋالو 'ئانەها'ی، وەڵاشکەردەۋە، ڕۆ ۳ شەممەی جە دەگاو (میرکان)و ناوچەو ماباتا-و عەفرینی داگیرکریای تاقمە چەتەکێ ئەلجەبهە ئەلشامیە و لەشکرو ۳ سەر بە سپاو تورکیای ۱۳ هاموڵاتیێ تەرێشا ئەڕفانێ.
ئاژانسەکە، نامێ ۱۰ جە هاموڵاتییەکاش وەڵاکەردێنێ کە بریتینێ جە: شكری محه‌مه‌د كنج خه‌میس (تەمەن ٥٥ ساڵێ)، حه‌نیف مه‌حموود مسته‌فا (تەمەن ٦٠ ساڵێ)، خه‌لیل حسنی حه‌مدی (تەمەن ٤٣ ساڵێ)، محه‌مه‌د خه‌لیل نووری (٤٩ تەمەن ساڵێ)، ڕه‌فعه‌ت عیزه‌ت سینۆت (تەمەن ٤۹ ساڵێ)، ڕه‌شید عه‌بدۆ شێخۆ (تەمەن ٤٥ ساڵێ)، حیكمه‌ت كنج خه‌میس (تەمەن ٥٨ ساڵێ)، مسته‌فا ئه‌حمه‌د سلێمان (تەمەن٥٦ ساڵێ) و محه‌مه‌د حسێن هه‌مالیكۆ (تەمەن ٤٨ ساڵێ). زانیا، ۲ هاموڵاتیەکەی تەرێ زارۆلێنێ ، بەڵام نامەکێشا نەزانیێنێ.
ئانەها ئاشکراش کەردەن، هاموڵاتی ئه‌حمه‌د عه‌نان (تەمەن ٢٧ ساڵێ) كه ٢ مانگێ چێۋەڵتەر ئەڕفانیان، چەتەکێ پەی ئازادکەردەیش داۋا ٣ هه‌زار دۆلارا زەڕی مەکەرانە و بنەماڵەکەش تۋانا دابینکەردەی زەڕەکێشا نییەن. نامبریا تا ئیسە چارەنویسش نادیارەن.
دمای ئانەیە کە عەفرین جەلاو تورکیا و تاقمە چەتەکاش داگیر کریا، تا ئیسە هەزاران کەسێ دەسگیرێ یان ئەڕفانیێێ، ژمارێوی کەمشا بە سەرانە و زەڕی فرە ۋەرێدریێنێ و دەیانیچشا کوشیێنێ و فرینێچشا تا ئیسە بێ سەروشۆنێنێ و چارەنویسشا نادیارەن.
