جە عەفرین سەرچەتێۋ و دۋی چەتێ هەمڕێش کوشیێ
جە عەفرینی داگیرکریا، مەسعود ئیبۆ فەرماندەو چەتەکا لیوا سەڵاحەدینى و ئەندام جە ڕاۋەبەری ئاساییشیو تورکیای و دۋێ چەتێ هەمڕێش جە چالاکی شەڕڤانەکا یەپەگە / یەپەژە-یەنە بە سزا گەلی یاۋنیێ.
جە عەفرینی داگیرکریا، جە بەردەۋامی دووەمین قۆناغەو مدرامانی دژ بە داگیرکاری تورکیای و تاقمە چەتەکاش، بەسزا یاۋنای چەتەکا درێژەش هەن.
چا چوارچێۋەنە، مەسعود ئیبۆ ئەژناسیا بە(ئەبو ئەلمەجید کۆمەلێ) فەرماندەو چەتەکا لیوا سەڵاحەدینى و ئەندام جە ڕاۋەبەری ئاساییشیو تورکیای و دۋێ چەتێ هەمڕێش جە چالاکی شەڕڤانەکا یەپەگە / یەپەژە-یەنە کوشیان. زانیا، چالاکیەکە جە میانو شارەکا جەرابولس و عەفرین-یەنە ئەنجام دریان.سەرچەتەی نامبریا دەسش جە کوشت و بڕ و کۆچبەری و ئەشکەنجەدای عەفرینیەکانە بیەن و پیاو میت و هەواڵگری سەربازی تورکیای بییەن و چەمساخیش پەی سپا داگیکەرەکەو تورکیای جە عەفرین کەردەن.
وەڵتەر یەپەگە / یەپەژە ئاشکراش کەردەبێ، کە سەرجەم ئا کەسا بە سزا مەیاۋنا کە بەشدارێ بیێنێ جە داگیرکەردەی عەفرینی و چەمساخی داگیرکەریشا کەدەن و دەسشا بیەن جە ستەمکەردەی، ئەشکەنجەدای، ئەڕفانیا و تاڵانکەردەی و هەرگیز نەشا وەشێ نمەبانە. هەر پاسە جەختشا کەردەبێ داگیرکاریەکەو تورکیای هەرگیز قبۆڵ نمەکەرانە و دژش مدراۋە. چا چوارچێۋچەنە دووەمین قۆناغەو هەڵمەتو مدرامانیشا دەسپنە کەردێنە و تا ئیسە دەیان فەرماندێ و سەربازێ تورکیا و سەرچەتێ و چەتێ-شا بە سزا یاۋنێنێ.
