شەۋێ ۋیەردێ جە شارو عەفرینی، جە بەردەۋامی دووەمین قۆناغو مدرامانی، کاروانێوو چەتەکانو تورکیا بە تەقنای بۆمبی ئەۋەنریای کریان ئامانج و زیانی فرە گەورەش دمارە ئامان. بە پاو دمایین زانیاری لانی کەم ۳۰ چەتێ سەر بە ڕژێمە داگیرکەرەکەو تورکیای بریندارێ بیێ، کە ژمارێۋشان برینشان فرە سەختەن. بریندارەکێ پەی چارەسەری بریێنێ نەوەشخانەو شارو عەزازی و جە مزگیەکانو شارەکەیەۋە بە بڵندگۆ داۋا ونێ و پزشکی کریان

یاگێ ئاماژەیەنە کە جە دمای داگیرکەردەی عەفرینی، هێزەکانو پارێزنای گەلی یەپەگە و هێزەکانو پارێزنای ژەنێ یەپەژە، ئاشکراشان کەردەبێ، کە قۆناغی دووەم جە مدرامان "بەرخۆدان"و سەردەمی دەست پنە مەکەرانە و سەربازێ و چەتە داگیرکەرەکانو تورکیای و هامکارەکانشان جە عەفرین مەکەرانە ئامانج و تۆڵە جە داگیرکەری و هامکارەکانش مەکەراۋە، چا وەختۋە تا ئیسە یەپەگە و یەپەژە سەدان چالاکیشیان ئەنجامێ دێڒنێ، کە بە هۆشانەوە سەدان چەتێ و سەربازێ تورکیای و هامکارەکێشان کوشیێنێ و سەدانی تەریچ بریندارێ بیینێ.