گەریلاکا هەپەگەی و یەژەئاستاری جە لێکان (پانیشت) و بەدلیس و ئامەدو (سەرنیشت)و کوردستانی دژ بە سپا داگیرکەرەو تورکیای و چالاکیێشا ئەنجام دێنێ و جە ئاکامشانە ژمارێۋی فرێ سەربازێ و ۲ بەکرێگیریێ کوشیێنێ.
جەی بارەۋە ئارۆ دلێگەو یاۋنەری و چاپەمەنی هێزەکا پارێزنای گەلی-هەپەگە، جە ۋەڵاکریێۋەنە زانیاریش دان و ئاشکراش کەردەن: " ڕۆ هەینی جە بەرزایی لێکانی کە مەگنۆنە دەڤەرو برادۆستی جە پانیشتو کوردستانی گەریلاکێ هەپەگەی و یەژەئاستاری سەربازە داگیرکەرەکێ تورکیاشا کەردێنێ ئامانجو چالاکی. جە چالاکیەکەنە دوژمن ژمارێۋی فرێ کوشیێ و بریندارێش دێنێ، بەڵام ژمارەی تەمامشا نەزانیان".
"هەمان ڕۆچ سەعات ۱۲:۰۰ نیمەڕۆی جە میانو شارچەو تاتوانی و شارو بەدلیس-یەنە، گەریلا دانشا جە مۆڵگێۋی سەربازی و چاگێچە دوژمن زیانی گیانی فرە بیەن، بەڵام جەی بارەۋە وردەکاری تەمام بەدەس نەۋزیان".
"ڕۆ ٤ تەموزی جە شارچەو لجەو پارێزگەو ئامەدی، گەریلا ۲ بەکرێگیریێ بەنامەکا ( موحمود گولەر و ڕەمزی گولەر)یشا بەسزا گەلی یاۋنێنێ، کە چەمساغێ سپاو تورکیای بیێنێ و دەسشا جە شەهیدەکەردەی گەریلا( عەدنان ئورال، ئەژناسیا بە فەرهاد کورتای)ـەنە بیەن".
