ت

جە شارو سانت گالن-و سویسرای، ژمارێ جە گەنجان و چالاکۋانێ و دوستێ گەلو کوردی، بە سەرپەرشتی کۆمەڵگەی دیموکراتی کوردی چالاکیشان پەی ئازادی ڕێبەرو گەلو کوردی، عەبدۆڵا ئۆجالانی ئەنجام دابێ.

چالاکییەکە کە ۳ ڕۋێ بەردەۋام بێ و هیزی ۋێرەگا کۆتاییش پنە ئامابێ، ۋێنێ و پۆستەرەکێ ئۆجالانی بەرزێ کریێبێنێۋە و بە ۋەڵاکریێ، سەبارەت بە گۆشەگیرکەردەی و ئەشکەنجەدای ئۆجالان و نادیاری چارەنویسیش جە ئیمرالی زانیاری بە سویسریەکان دریابێ و هاموەخت سەبارەت هێرش و دڕندەیی ڕژێمو تورکیای جە کوردستان قسەوباس پەی خەڵکی کریابێ.

بەشداربیێ چالاکیەکەی، داۋاشان جە ڕای گشتی سویسرای، ئەوروپای و جیهانی کەرد، ۋەراۋەر بە دۆخو ئۆجالانی بێدەنگی نەبانە و هەڵوێست نیشانە بڎانە و فشار بۋزانە سەرو تورکیای تا کۆتایی بە گۆشەگیریەکەی باۋەرۆنە.