سەعات ۱۲:۳٥ دەیەقێ ئاڕۆ چوارشەممەی، جە کانتۆنە داگیرکریاکەو عەفرینی ۳ گەۆرە تەقینەۋێ ڕووەشا دێنە. زانیا ۲ تەقینەۋێشا جە مێڎانو کاوەی ئاسنگەری بارەگاێۋ چەتەکا جەبهەت ئەلشامیە-ش کەردەن ئامانج. هاموەخت جە نزیکو نەوەشخانەو دەرسمێی، بەهەمانشێۋە تەقینەۋی تەر ڕووەش دێنە و هێزە داگرکەرەکێش کردێنێ ئامانج. 

بەپا زانیاری بەدەسۋزیای، تەقینەۋەکێ بە ماشینێ بۆمبکرێ ئەنجامدریێنێ جە تەقینەۋەکانە دەیان چەتێ داگیرکەرێ کوشینێ و بریندارێ بینێ، بەڵام جەی بارەوە ئاماری دروس و تەمام بەدەس نەۋزیان.

تاوەکو ئیسە هیچ کەس و لایەنێ ۋەرپەرسیاریی تەقینەۋەکاش جە ئەستۆ نەگێرتەن. بەڵام ۋەڵتەر فەرماندەییەکێ یەپەگە و یەپەژە-ی دمای داگیرکەردەی عەفرینی بەڵێنشا دابێ بەردەۋام و تا ئازادکەردەی عەفرینی دژ بە هێزە داگیرکەرکا تورکیا و تاقمە چەتەکاش چالاکی ئەنجام بڎانە. چا چوارچێۋەنە چەندین زنجیرە چالاکیێ و تەقینەوێشا ئەنجام دێنێ و سەدان چەتێ و سەربازێ تورکیاشا کوشتێنێ و بریندارێ کەردێنێ.

هێزە داگیرکەرەکێ  ڕژێمو تورکیا و تاقمە چەتە تەرۆریستەکێش،  جە ڕێکەوتو ٢٠ کانونو دووەمو ساڵەو  ٢٠١٨ی هێرشا کەردەبێ سەرو عەفرینی و دمای ٥۸ ڕۋا جە جەنگ و مردامانی قارەمانەو شەڕڤانا و گورزدای فرە قورس جە دوژمنی، جە ڕێککەوت ١٨ى ئازارو ٢٠١٨ی دوژمن کانتۆنەکەش داگیرکەردەبێ. جە سەرەتا هێرشەکەی و داگیرکەردەکەی و تا ئیسە، سەدان هاموڵاتیێ مەدەنیێ کوشیێنێ و سەدانی تەریچ بیسەروشونێ کریێنێ و سەدان هەزار کەسێچ بەزۆر کۆچبەرێ کریێنێ و یاگێشانە چەتە داگیرکەرەکێ نیشتەجا کریێنێ.