قەسەدە، ئاشکراش کەرد: "جە بەردەۋامی گەردەلولو جزیرەی، کە جە ٢٧ حوزەیرانی تا ٥ تەموزی شەڕڤانەکێشا جە دەڤەرە سنوریەکا حەسەکە-ی بەردەنشا ڕاۋ، گورزێ قورسێشا جە داعشی دێنێۋە و ڕووبەریۋی فراۋانشا ڕزگار کەردەن".
جەی بارەۋە فەرمانداری گردی هێزەکا سوریای دیموکراتی-قەسەدە-ی ۋەڵاکریێۋش دان و ئاشکراش کەردەن: "جە بەردەۋامی دووەمین قۆناغو هەڵمەتەو گەردەلولو جزیرەی، جە ٢٧ حوزەیرانی تا ٥ تەموزی شەڕڤانەکێما جە دەڤەرە سنوریەکا کانتۆنو حەسەکە-ی زنجیرە چالاکیێ تەرێشا دژ بە داعشی ئەنجامێ دێنێ و دەرەنجامشانە گورزێ گورزێ فرە قورسێشا دێنێ ۋنە و ڕووبەریۋی فراۋانشا ڕزگار کەردەن".
قسەدە دەسنیشانش کەردەن: "چالاکیەکێ جە دەڤەرەکا هۆڵ-ی و شەداد-ی ئەنجامێ دریێنێ و دەرەنجامشانە ڕووبەرێۋی ۳۳۰ کم چوارگۆشەیی و چەندین گەۆرە مەزرێ و ٣١ لادەگێ تەرێ جە چەتەکا داعشی ئازادێ کریێنێ، کە نامەکێشا بریتیێنێ جە: تیوومیە، سەیدا، سۆیان، حەویجا، ڕێحانییە، ئەل سەراجی، خدر عەبدولا، یلمەدینا، وادی ئیلشۆک، جەلخەم، خێرا غەربی، زیخیر، ئیلدەبچا، جیلێب نەدا، خێرا شەرقی، سەقار، وادی ئەبو حەمید، وادی ئەلشەجا، شەهایێم، کولێب فوقانی، ئەلشێحا، ئەبوو فاس، ڕیوەح، خەزیم، میشێرفا، کولێب تەحتانی، ئابار ئەلەبید، ئیلەجارەش، عەلی جرووش و کەلکا".
بەپا ۋەڵاکریاکەی، شەڕڤانەکێ قەسەدەی جە چالاکیەکانە ٤ جارێ بە قورسی چەنی داعشی گژیێنێ و سەرەڕا کوشیای و برینداربیەی دەیان جە چەتەکا، بڕێۋی فرە چەکی سوک و قورس و جبەخانەی جۆربەجۆر دەسکەوتو شەڕڤانەکاشا بیەن".
قەسەدە شەهیدبیەی شەڕڤانێۋی و برینداربیەی ۳ شەڕڤاناچش ئاشکرا کەردەن.
قەسەدە جە دمایی ۋەڵاکریاکێشەنە ئاماژەش بە بەشداری فڕۆکە جەنگیەکا هامپەیمانی میاندەوڵەتێ دژ بە داعشی دان، کە بە قورسی مۆڵگە سەرەکیەکێ چەتەکاشا بۆردومانێ کەردێنێ.
