دلێگەو یاۋنەری و چاپەمەنی هێزەکا پارێزنای گەلی-هەپەگە، ۋەڵاکریێۋش جە بارەو چالاکیێ گەریلاکا هەپەگە-ی و یەژەئا ستار-ی جە جولەمێرگ، وان، دەرسیم و ئەرزەنجان دان و دلێشەنە ئاشکرا کریان:

جە سەعات ١٩:٤٠ دەیەقێ ئێۋارەگاو ۲۸ حوزەیرانی، جە نزیکو دەگاو شێرڤانەو گەڤەرو جۆلەمێرگی، خاڵێۋو ۋشکنای و گردێۋە سەربازا دوژمنی کەریێنێ ئامانجو چالاکی گەریلای و جە ئاکامشەنە ٥ سەربازێ کوشیێنێ و ۳ تەریچ بریندارێ بیێنێ. هاموەخت گورزی قورس جە زرێپۆشێۋی سەربازی دریان.

 ٢٩ حوزەیرانی، هەر جە گەڤەر، جە گردو دەریە جەفەری چالاکی دژ بە سپاو تورکیای ئەنجام دریان، بەڵام زیانە گیانی و مادیەکێ نەزانیێنێ. جەسەعات ۱٥:۰۰ دمانیمەڕۆ ۳۰ حوزەیرانی، یەکینێ سپاو تورکیای کە ئۆپەڕاسیۆنش دەس پنە کەردەبێ، گەریلا دان ۋنە و چاگێچە ژمارێۋسەربازێ کوشیێنێ کە کوشیای ٥ ی و برینداربییەی ۳ تەری پەشتڕاس کرایانەۋە.

 ٣٠ حوزەیرانی، سەربازەکێ تورکیای داگیرکەری جە گرێ بایێ ناوچەو گەڤەری دریانشا ۋنە و جە ئەنجامەنە ۲ سەربازێ کوشیێنێ.

سەعات ۱٤:٤۰ دەیەقێ دمانیمەڕۆ ۲۹ حوزەیرانی، جە ناوچەو ئاپەخ-و وان-ی، ژەنە گەریلاکێ یەژەئا ستار-ی دژ بە سەربازگەو گولزەرکێی چالاکیشا ئەنجام دان و بە هۆشەوە ۱ سەرباز کوشیان.

نیمەڕۆ ۳۰ حوزەیرانی، ژەنە گەریلاکێ یەژەئا ستار-ی، ڕاو میانو دەرسیم و  ئەرزەنجان-نیشا کۆنترۆڵە کەردێنە و ژمارێۋی فرێ ماشینێشا مدرنێنێ و سەرەڕا ۋشکنای شناسنامەی، دەربارەو خەبات و ۋنەکۆشیای ئازادی و سیاسەتەکا ڕژێمو تورکیای زانیاریشا بە ڕێبۋارا دان و باسشا جە چالاکییە گیانبازیەکەو زەینەب کناجی، ئەشناسیێ بە زیلانێ کەردەن.