کۆنسەو ڕاۋەبەری کۆما جڤاکێن کورستان-کەجەکە، بە بۆنەو ۹٤ مین ساڵیادو جەداردای شێخ سەعید پیران و ٤۹ جە هەڤاڵەکاش، کە جە ٣٠ حوزەیرانو ١٩٢٥ی دەوڵەتو تورکیای ئەنجام دابێ و ساڵیادو چالاکییە گیانفیدایەکەو زیلان-ێ کە ۳۰ حوزەیرانو ۱۹۹٦ی جە دێرسیم دژ بە سپاو تورکییای ئەنجامش دابێ،  ۋەڵاکریێوش دان.

 جە ۋەڵاکریاکەنە ئامان: " ئێ ساڵ جە ساڵیادو جەداردای شێخ سەعیدی و شەهیدبیەو زیلان-نێنە، دوژمن چەمسورانە هێرشەکاش ئەنجام مڎۆنە، پەی ئانەیە مرۆڤ بەکرداری ڕووە سەرکەوتەی بلۆنە، فرە گرنگەن جە ڕێبازو شێخ سەعیدی و هەڤاڵەکاش و ژیۋا و فەلسەفەو زیلانێ و مەغزا و ئامانجو چالاکییەکێش بیاونە. بێگومان ئانێچە سەرکەوتیما مسۆگەر  مەکەرۆنە. پۆکەی ئێمە بە ڕێز و منەتباری و قەرزاربای یادشا مەکەرمێۋە و کوردستانی ئازاد، تورکیا و وەرکەوتی دلینی دیموکراسی و ڕێبەرایەتی ئازاد خوڵقنمێ".

جە دماییەنە کۆنسەو ڕاۋەبەری کۆما جڤاکێن کورستان-کەجەکە-ی،  داۋا جە سەرجەم هامڕایا، شەڕڤانا، و گەلو کوردی مەکەرۆنە درێژە بڎانە بە ڕا و ڕێبازەکەو شێخ سەعید پیرانی و هەڤاڵەکاش و زیلانێ و پێۋەرە ۋنەکۆشای گەشتەر بکەراۋە و کوردستانی ئازاد، تورکیا و وەرکەوتی دلینی دیموکراسی و ڕێبەرایەتی ئازاد بەدی باۋەرمێ.