گەریلاکێ یەکینەکا ژەنێ ئازادێ- یەژەئا ستار و هێزەکا پارێزنای گەلی-هەپەگە-ی، ٢٢ هه‌مین ساڵیادو شەهیدبییەی (زه‌ینه‌ب كناجی- ئەشناسیێ بە 'زیلان')ێ کەردەۋە و ۋاتەنشا: ئیتر زیلان-نە هەزاران کەسێنە و ئاڎیێ درێژەدەرێ ڕێبازەکێشەنێ.
جە ٢٢ هه‌مین ساڵیادو شەهیدبییەی (زه‌ینه‌ب كناجی- ئەشناسیێ بە 'زیلان')ـە، گەریلاکێ یەژەئا ستار و هەپەگە-ی بەڕێز و مەزنی نامێش مەبەرانە و جەخت مەکەراۋە: کە ئارۆ جە سایەو زیلانێ و چالاکییەی گیان فیدایەکێش کە جە ۳۰ حوزەیرانو ۱۹۹٦ی جە دێرسیم ئەنجامشدا، هەزاران ژەنی تێکەڵ بە خەباتی بیێنێ و ئاڎێ درێژەدەرێ ڕێبازەکێشەنێ. نەک هەر ژەنێ، بەڵکو فرێو جە پیاکاچ چێرۊ کاریگەرێ ئاڎێنە بیێنێ بە پەکەکە و ئامێنێنە لێ کۆڕو خەباتی.
زیلان ئایدن، کە جە ۲۰۱٤ ۋە جە ڕیزەکا (یەکینەکا ژەنێ ئازادێ- یەژەئا ستار) یەنە گەریلانە دەرباوەو زیلانێ ماچۆنە: زیلانە بە چالاکییەکێش 'شەم'و ئازادیش هۆرگیرسنا و دڕش بەتاریکی شەوەزەنگو گەلەکۆمەی میاندەوڵەتی دا. من کە سەرەتا بەشدارەو ڕیزەکا پەکەکە-ی بیانی، جە وەشەۋیسیم پەی زیلانێ نامێ ەی کارو ڕێکۋستەی هۆرۋچنا. ئیتر نامێ زیلانێ هەم پەی من و هەم خانەۋادەکێم و فرە کەسا تەری پیرۆزەنە. جە سایەو ئاڎێۋە ئارۆ هەزاران زیلانێ ئینێ مێڎانو خەباتیەنە و گەرەکشانە چوون ئاڎێ بژیۋانە و ۋنەکۆشای ئازادی سەرو بنەما خەت و فکرو ئاڎێ درێژە بدانە پنە. ئانێچە پەی ئێمە سەرکەوتەی گەۆرەن.
ڕۆژکەن کۆچەر، گەریلایێ تەرەو یەژەئاستار-یەنە، واتەنش: زیلانە درێژەدەرەو ڕێبازەکەو بەسێ و زەریفە-کانە، کە سمبولێ ئاخێزەکا كۆچگری و دێرسم-یەنێ. تا کۆتایی ژیۋای، بێگومان هەر یەرێ خاستەرین نمونێ ۋنەکۆشایی و خەباتیەنێ. واتیلەکێش [من گەرەکمەن بوونە بە خاۋەن ژیۋای ئازاد و مانادار] پەی ئێمە ڕانیشاندەرە وسەرمەشقەنە و هێز و ئاۋەزش چنە هۆرمەگێرمێ.
گه‌ریلاو هه‌په‌گه-ی ئارمانج ساروگه، کە دروس جە ۳۰ حوزه‌یرانی و ساڵڕۆ چالاکییەکەو زیلانێ پەی یادکەردەی ئاڎێ چنی گرووپێۋ جە هه‌ڤاڵاش بەشدارێ ڕێزەکا پەکەکە-ی بیێنێ، ئاشکراش کەردەن:
ۋەر جە لۋایم پەی دلێ پەکەکە-ی نامێ زیلان-ێم ئەژنەۋیێ بێ و کاریگەری فرەش سەرم نیابێرە، هەر ئانێچە بێ جە ساڵڕۆ چالاکییەکێشنە ئێمەش یاۋنایمێ دلێ ڕیزەکا پەکەکەی و خەباتی و گەرەکما بێ بە بەشداریما نامێ و چالاکییەکێش تاجدار بکەرمێ.
عاكیف یڵماز ، گه‌ریلاو هه‌په‌گه-یەن و خەڵکو وەرکەوتو کوردستانین و جە بارەو زیلانێ-ۋە قسێش کەردێنێ و واتەنش: زیلانە بە چالاکییەکێش گرنگترین ڕاو نەمری و جاۋیدانیش کەردەۋە و بییە وەڵام پەی ئانیشا کە ژەنی تەنها پەی ئەۋەۋستەو زارۆڵا و خزمەتکەردەی پیای ۋینێنێ. زیلانە هەم پەی گلێرگەی و هەم پەی پارتیما سمبولێ-ۋە گەۆرێنە.
شۆڕش گابار، گه‌ریلاێوتەرو هه‌په‌گه-یەن و دەسنیشان کەردەن: هه‌ر چنڎە ٢٢ ساڵێ سەرو چالاکییەکەو زیلان-ێرە ۋیەردەن، به‌ڵام زیلانە فەرماندارێۋە نەمرەنە، نەک ساڵانە تەنیا جارێ، بەڵکو مشیۆم گرد ساتێ یادش بکریۆۋە و مڕۆڤ ڕێبازەکێشەرە بشۆنە و ۋێش ۋەڵێ بوزۆنە. ئاڎە گیان و جەستەش‌بەخشا تا ئێمە و گەل و ڕێبەرایتی پارێزنۆنە. جەی چوارچێۋنە بیەن کە مانادارانە واتەنش[ وەشڵەی جە گیانیم چاۋتەرم بیەبیێ تا بە شمەم بەخشا بیێ].
