جەنازەو ٢ جەنگەواناو هێزەکاو سوریای دیموکراتیک (قەسەدە)ی، باسل محمەد تەعمە و عیماد محمەد ئەلعەریف کە هجوموو ٢٧ ئادارینە پەی سەرو نویسگەو ڕاوەبەریی مەجیلسی سەروازیی ڕەقەی گەشمەردێ بیێ، بە مەراسیمێوە قەبرسانو گەشمەرداو حکومیەو ڕەقەی بەخاکی سپاریێ.

بە نامێ قەسەدەیۆ، ئەندامو مەجلیسی سەروازی ڕەقەیۆ حوسێن ئەلخەڵەف سەرەوەشییش وەنەو بنەیانەو گەشمەردا کەرد، ئەرەیاوناش دەوڵەتی فاشیستو تورکی و شانە تیرۆریستییەکا بە هامکاریی خیانەتکارا، هەرمانە مکەرا پەی تێکدای ئاسایشو هەرێمەکەی و نیایۆ پشێوی و واتش: "پێسەو قەسەدەی وەعد پی دووە گەشمەردا و گردو گەشمەردا مدەیمێ، دەسکەوت و خاک و گەل و شۆڕشەکەیما مپارێزنمێ".

هامسەرۆکەو مەجلیسو ڕاوەبەریی کانتۆنو ڕەقەی هێڤین ئیسماعیلە سەرەوەشی جە بنەیانەو گەشمەردا کەرد و واتش قەرزارێ گەشمەردانمێ، کە ڕەقەشا جە دوژمنی پارێزنا.

ئەندامو مەجلیسو بنەیانەو گەشمەردا، ئیمان ئەحمەدە شناسنامەو گەشمەرداش واناوە و داش دەسو بنەیانەکیشاوە. دمایی جەنازەو گەشمەردەکا بە هەلهەلە و درووشمو "گەشمەردێ نمەمرانێ" بەخاکی ئسپاریێ.