جە چوارچێوەو هەڵمەتەو "ئازادی پەی ڕابەر ئاپۆی، چارەسەری سیاسی پەی پرسو کورد" ینە ڕاپیمایۍ یەرە ڕووە وەردەمو شارەوانی مارتگویزی پانیشتوو فەڕەنساینە دەسش پنەکەرد.
ڕاپیمێوە یەرە ڕووە وەردەموو شارەوانی ناوچەو مارتگویزی جە پانیشتوو فەرەنساینە دەسش پنەکەرد. ڕاپیماکە گرڏ پەی بۆ ئیدانەکەردەو پیلانگێڵی مییاننەتەوەیی ملۆڕاوە، ڕاپیماکەی بە دەقێوە بێدەنگی پەی یاڏو گەسمەرڏا شۆڕشو کورەدسانی دەسشنەکەرد.
جە چالاکییەکەنە بە زوانەکا کوردی، فەرەنسی و تورکی بەیاننامێوە ڕۆنامەوانی دریا.
جە بەیاننامەکانە جەخت چانەیە کریاوە کە پەنەوازا ئازادیی جەسەیی ڕابەر ئاپۆی مسۆگەر کریۆنە و پرسو کوردی بە ڕاو دیموکراتیکی چارەسەر کریۆنە.
هەرپاسە ئەرەیاویا کە جەماوەرێوە فرە جە شارەکا دراگوینگان، مۆنپیلێر، ئەڤگنۆن و مۆارگنانی بەشداریێ ڕاپیماکەی بیێ.
ڕۆو یوەمی
جە ڕۆو یوەمو ڕاپیماکەینە کە ١٢٣ کەسێ بەشداریش دلێنە مکەرا، وەردەموو شارەوانی ماریگنانی دمایش ئاما.
وەڵێ ڕاپیماکەی، چالاکێ وەڵاشاکەردۆ "ئازادی پەی ڕابەر ئاپۆی، ستاتۆ پەی کوردەسانی"ش وەڵا کەردۆ
جە ڕاپیماکەینە بەردەوام دروشمو "ئازادی پەی ڕابەر ئاپۆ" ی بەرزکریاوە. جۆش و ئیرادەو چالاکا جە چالاکییەکەنە سەرنجش ڕاکێشا بێ
ڕۆی دووەم و یەرەمی
ڕۆو دووەمو ڕاپیماکەی جە ماریگنان دەسش پنەکەرد و جە ناوچەو لا ڤیستی جە دەستپێکو مارسیلیانی دمایش مێ.
جە ڕۆو یەرەمینە بە بەشداری هەزاران کەسێ ڕاپیما جەماوەری گۆرە جە مییانو شارو مارسیلیاینە لواڕاوە.
