'ڕاپیمای ڕێزگێرتەی جە ئیرادەی' کە دژوو دەسملەرەگێرتەیی شارەوانیی جۆلەمێرگینە دەسش پەنە کەرد، بە بڕیەی ١٠ کیلۆمەترا بەردەوامییش هەن، ڕاپیمایەکەنە دژوو سیاسەتەکاو دەسەڵاتداری و زهنیەتی تاڵانکەری بانگەوازوو کۆشیایش کەرد.
'ڕاپیمایی ڕێزگێرتەی جە ئیرادەی' کە لاو دەم پارتییوە دژوو دەسملەرەگێرتەی شارەوانیی جۆلەمێرگی دەسش پەنە کەردەن، ڕۆو نۆیەمینە و ئاخرنە بەردەواما. ماوەو ١٠کیلۆمەتراش مەنە وەڵێ بەشداربییەینە ڕاپیماێوە مەنەن تا بیاوا بە جۆلەمێرگی.
ڕاپیمایەکەنە هامسەرۆکوو دەم پارتی تولای حاتەم ئۆغللارییە، هامسەرۆکەی گردینەو دەبەپەی کەسکین بایندر، هامسەرۆکی گردینوو هەدەپەی جاهید کرکازاک، ئەنداماو دەم پارتی، هامسەرۆکاو شارەوانییەکا و زیاتەر جە ٥٠٠ کەسا بەشدارێنێ و درێژە بە ڕاپیمایەکەیشا مدانە. ڕاپیماییکارێ جە بەرەبەیانەنە دپنینە ڕاپیمایەکەیشا دەس پەنە کەرد و پاڵوو دەرەو زێنە ڕووەشا نیا جۆلەمێرگیوە.
درێژەو ڕاپیمایەکەینە هامقسەکەروو هەدەکەی ئەستەنبول عەلی بال قسێش کەرد و ئاماژەش پانەیە دا ڕاپیمایەکەیشا ڕاپیمایا دژوو سیاسەتی و زهنیەتوو دەسەڵاتداری و دەسملەرەگێرتەی ئیرادەو شارەوانییەکان.
دماو قسەکا چالاکێ ڕاپیمایەکەیشا دەس پەنە کەردۆ. تەسەور مکریۆ ڕاپیمایەکە سەعات١٦:٠٠ دەیەقێ بیاوۆ بە ناوەندوو جۆلەمێرگی و کۆنگرێوی ڕۆنامەوان بگێرا.
