بۆمبوارن و تۆپوارانو سوپاو تورکی ئەرەگیری و چەتەکاش سەرو شارو عەین عیسای بە گرڏ جۆرێ بەردەواما. دۆڵەتو تورکی سەرەڕاو بە ئامانج گێرتەو هاموڵاتیا مەدەنیێ، بە زانابییەی و ئەنقەس چێرخانو شارەکەیش گێرتەن بە ئامانج.

جە هرووژمەکانە گرڏو  کەرتەکا ژیوایی پێسەو کارەبی، ئاوێ، بازار-نانەوەخانە کە ڕاستەخۆ دابینکەرو ژیواو هاموڵاتیا بە ئامانج گێرۆنە.

تەنیا بە مەڵامەتو ئا هرووژما کریێنێ سەرو وێستگەکا ئاوێ و واردەی و بەکار‌ئاردەو هاموڵاتییا، زیاڏ جە ٤٠ هاموڵاتیێ بێ ئاوێ بیێنێ. ئینەییچ جە کاتێنە بە مەڵامەتو بەردەوامی هرووژمەکا کارمەندو کاروبارو ئاوێ شارەکەی نمەتاوا وێستگە خراپبییەکا خاس بکەراوە.

بە پاو ئامارەکا بە مەڵامەتو هرووژمەکاوە ئاوەو واردەیۆ جە ٦٥ دەگایا بڕیێنە، کە ٤٥ دەگێشا گنانە ئەل حیشای و ٢٠ دەگێ تەرێچ جە سنورو دەگاکا عەین عیسای.