ئەنڎاموو فەرمانڎەیی یەکینەکا پارێزناو ۋەرکەوتوو کوردسانی (یەرەکە) شۆڕش ئالان بۆنەو یاڎوو جە ئەڎابیەو ڕابەروو گەلوو کوردی عەبدوڵا ئۆجالانی و ٢٠ەمین ساڵوەگەڕوو ئەرەمەرزناو پارتوو ژیۋای ئازاڎیی کوردسانی (پژاک)ی پەی ئاژانسوو هەواڵوو فوراتی (ANF)ی هۊرسەنگنایش کەرد.

هۊرسەنگنایەکۍ شۆڕش ئالانی پی جۊرەنۍ:

"پەی خاوەنداریکەردەی جە گەشمەرڎا، بە تایبەت سەرهۊرداو ئاخێزوو 'ژەنی، ژیۋای، ئازاڎیی' کە ساڵێوەش سەرەرە ویەرۆ، کوردسان و ئێرانەنە دەسشپنەکەرد و بە جەهانی بیەن، ئەرکوو سەروو شاناما زیاتەر بۆ. پی ۋەرپرسیاریەتیۆ نزیکۍ بیمێوە. پەنەوازەن گەلەکەما، ژەنی، گەنجا بەشدارا ئاخێزوو 'ژەنۍ، ژیۋای، ئازاڎیی' پی ۋەرپرسیاریەتۆ نزیکۍ باوە و خاوەندرای جە ڕابەرایەتیما بکەرا. جە هەمان وەختەنە جە ئەڎابیەو ڕابەر ئاپۆی و ٢٠ەمین ساڵوەگەڕوو ئەرەمەرزناو پژاکی پیرۆز مکەرمۍ. جارێوەتەر جەژنەو جە ئەڎابیەو ڕابەر ئاپۆی و جەژنەو ئەرەمەرزناو پژاکی جە گرڎوو گەلی کۊششکاری و شۆڕشگێڵنی، وڵاتپارێزنا، جە ژەنا و گەنجا کۊششکاری پیرۆز مکەرمۍ. هیواو سەرکەوتەی پۍ گرڎ لێوە موازمۍ.

ماوەو ٥١ساڵان ئا ئەرەکۊشایەی رابەر ئاپۆ جە کوردسانەنە دەسشپنەکەردەن، بەسەرکەوتەی گەلی بریۆ ڕاوە. ڕابەر ئاپۆ پەی ژیۋایۍ ئازاڎیی، کۊشیایۍ بۍ هامتا ڕاوەبەر مکەرۆ و خەباتێوە ئەفسانەیی ئەنجام مڎۆ. پەی زینڎەکەردەیۆ کوردی شەوو ڕۆ خەباتش کەرد. ڕابەر ئاپۆ بە شیکارییەکاش بەرش وست کە گرڎ کوردێوە ڕووبەڕوو سیاسەتوو تاونایۆ و کۆمکوشی بیەنۆ. پۍ ڕووبەرووبیەیۆ ئینەی ڕابەر ئاپۆ گەلوو کوردیش ژیۋناوە و سەرمەشقایەتی ئازاڎیی گەلوو کوردیش کەرد، فکرەکێش پەی کوردی دیاریکەردۍ، ڕاو کۊشیایش دیاریکەردە و هێزوو پارێزنایش خوڵقنا. گەلوو کوردی جە سایەو ڕابەر ئاپۆیۆ دەسکەوتەکۍ ئارۊیش بەدەسئاردۍ. ڕابەر ئاپۆ پەی کوردا گرڎ چێوێش کەرد. بەنامۍ کورداوە گرڎ چێوێش پەی مرۆڤایەتی و گەلا چێردەسی کەرد. ئانە ماوەو مانگێوە زیاتەرین گرڎوو کوردسانی و بەتایبەت ۋەرکەوتوو کوردسانینە نەورۆز پیرۆز کریۆ و خاوەنداری جە ڕابەر ئاپۆی کریۆ.

حەرپاسە ڕابەر ئاپۆ دژوو هجووم و دەوڵەتا ۋەرا ۋەر بە ژەنا، خەباتێوە بێهامتاش دەسپنەکەرد. فەلسەفەو 'ئازاڎیی ژەنۍ، ئازاڎیی گلێرگەین'ش پەی ژەنا خوڵقنا. پەی ژەناو جەهانیچ بە فەلسەفەو 'ژەنی، ژیۋای، ئازاڎیی' سەرمەشقایەتیش کەرد. پۊکەی ڕابەر ئاپۆ ژیۋایێش جە بەروو سیستموو دەسەڵاتداریۆ خوڵقنا. جە سایەو ڕابەر ئاپۆیۆ ئاخێزوو 'ژەنۍ، ژیۋای، ئازاڎیی' جەهانی بیەن. ماوەو ٢٥ ساڵان گۆشەگیریێوە سەخت سەروو ڕابەر ئاپۆی بریۆڕاوە. جە ۋەرا ۋەروو ئینەینە ڕابەرایەتی پەی پارێزناو ژیۋای ئازاڎیی، کۊشیایۍ بێ هامتاش بەرد ڕاوە و دژوو گرڎ پرسگیرییەکا بە مۆدێرنێتەی دیموکراتیکی چارەسەریش خوڵقنا. پۊکەی جە دژوو گۆشەگیری سەروو ڕابەر ئاپۆی، گرڎما ئەرکدارێنمۍ و ۋەرپرسیارێنمۍ. پێویسا گرڎوو ئانیشا کە ۋێشا بە ئینسان منیارە، خاوەنداری جە ڕابەرایەتی بکەرا. پێویسا گرڎ کەسێ بە وەنایۍ و زینڎە ڕاگێرتەو فکر و فەلسەفەو ئاڎیی، خاوەنداری جە ڕابەر ئاپۆی بکەرۆ. بێ دەنگبیەی ۋەرا ۋەر بە گۆشەگیری بەماناو هامکاریکەردەی گۆشەگیری مۍ.

پۊکەی مشۊم ئانە عال بزانیۆ، بەبێ ڕابەر ئاپۆی ژیۋایۍ ئازاڎ پەی گەنجا، ژەنا و گەلوو کوردی پێكنمۍ. پێویسا ئێمە ئینەی قبوڵ نەکەرمۍ. پێویسا خاوەن هەڵوێسۍ بیمۍ و پێسە ئەرکێوە ئەخلاقی و ویژدانی خاوەنداری جە ڕابەر ئاپۆی بکەرمۍ.

حەرپاسە سەروو بنەماو فکری ڕابەر ئاپۆی، گەلەکەما ٢٠ ساڵێن جە ۋەرکەوتوو کوردسانینە دلۍ پژاکینە ۋێش بە ڕێکوستەی مکەرۆ. گەلەکەما دژوو پیلانگێڵنی ١٩٩٩و سەروو ڕابەر ئاپۆی، جە ۋەرکەوتوو کورڎسانینە سەرشا هۆردا. ئەرەمەرزناو پژاکی سەروو ئا بنەمایۍ بۍ کە دژوو قۊرتەکا گلێرگەی چارەسەری خوڵقنۆ. ٢٠ ساڵێن بە فکروو ڕابەرایەتی قۆناغێوە سەرکەوتەی، کۊشیای و مدرامانی بنیاڎ نریان. پژاک ٢٠ساڵەو تەمەنیش جە قولەپۊپەنە ویەرنا و بەردەواما. ٢٠ ساڵێن بە گەنجیەتی دەسشپنەکەرد و بە گەنجیەتیچ بەردەواما. جە بواروو مدرامانوو زینڎانیانە بە سەرمەشقایەتی عەکیفی و شیرینەکا، جە بوارو فەرمانداری سوپێنە بە سەرمەشقایەتی سمکۆکا، جە بواری سیاسینە بە سەرمەشقایەتی ڕێزانەکا سەرمەشقایەتی کۊشیای مکەرۆ و بیەن بە هێز پەی گرڎ لېوە. گەلەکەما ئارۆنە جە ۋەرکەوتوو کوردسانینە بە سەرفرازییوە کۊشیای ۋێش بەرۆ ڕاوە. پژاک پەی گرڎیی بیەن بە هێز و هیوا. غیرەتش بەخشا بە گرڎ کەسۍ. پژاک سەروو بنەماو فکری ڕابەر ئاپۆی، پارتوو سەرکەوتەیا. پارتوو مدرامانی و ئازاڎییا. تا سەرکەوتەیما چی ڕێنە بەردەوامۍ بیمۍ. فەلسەفەو ژیۋای ڕابەر ئاپۆی، فەلسەفەو ئەرەمەرزناو ژیۋای ئازاڎییا. پژاک سەروو ئی بنەمایۍ مەرزیانەرە. پۊکاتی ئارۆنە ئەرکوو پژاکی جە گرڎوو وەختەکا قورستەرا. بە تایبەت چی ڕێنە هەزاران گەشمەرێما بەخشۍ بە وڵاتی و گەلی.