باخچەلی جە ئەرەیاۋنا نوویسیاکەنە واتش: "مشۊم ژیۋگەو ئاشتی و ئاسایشی بەردەوام و حەقەتینە بۆ. ئی وڵاتە هینو گرڎیمانە، ئینە پەی گرڎ کەسێ کە چی وڵاتەنە مژیۋۆ، مەسەلۍ شەرەفی و شکۆینە".

شۊڵەچراوەکۍ گیسیانە

باخچەلی ئەرەیاۋناش کە تورک و کورد هەمیشە یۆ و پێوەرەبیێنۍ، واتش: " ئارۆ ئاشتی و برایەتی سەرێگنا. ئارۊ سیاسەت و دیموکراسی سەرۍ گنا. جە ۋەرکۊت تا ۋەرنیشت، جە پانیشت تا سەرنیشت، میللەتو تورکی سەرگنۆ". 

باخچەلی سوپاسو کۊششەکا ڕابەر ئاپۆی و سری سورەیا ئۆندەری و دەم پارتی و شاندو ئیمراڵیش کەرد، واتش: "پی بۊنۆ سری سورەیا ئۆندەری بە ڕێزۆ یاڎ مارووە کە ٣ ۍ ئایارو ٢٠٢٥ کۆچی دماینش کەرد. سوپاسو سەرۆککۆماری مکەرو کە ئامانجو تورکیای بێ تیرۆریش کەرڎ بە سیاسەتو دۊڵەتی، هەڵوێس و نزیکایەتی فیداکارانەش نیشانە دا، سوپاسو هامکاراش مکەرو جە پارتەکەش و دۊڵەتەنە کە پاڵپەشتۍ بێنۍ جە بنیاڎنیای ئایندێوە بێ تیرۆری. سوپاسو ڕابەرو ئەرەمەرزنەرو پەکەکەی عەبدوڵا ئۆجالانی مکەرو کە بە بانگەوازو ٢٧ و شوباتی ۋەرپرسیاری تاریخیش گېرت ئەستۆ پەی ئاشتی و گلېرگەی دیموکراتیکی. سوپاسو ئا شاندا مکەرو کە جە مابەینو ئیمراڵی_دەم پارتی_قەندیلینە گلېرۊبیەیشا ئەنجامدا. سوپاسو هامسەرۆک و ڕاوەبەرا و پەرلەمانتارا دەم پارتی مکەرو".