هامسەرۆکو ئامەدو دەم پارتی عەباس شاهین ئاماژەش بە گرنگی 'گلێرۆبییەی ئازادی' کەرد و داواش جە گرد لایێ کەرد جە ١٣و تشرینو یوەمی جە گلێرۆبییەو ئامەدینە ئاماڎێبا.
چالاکیەکۍ بە ئامانجو ماڕای گۆشەگیری ئیمراڵی بەردەوامێنۍ، چا چوارچێوەیچەنە جە ١٣و تشرینو یوەمینە جە ئامەد 'گلێرۆبییەی ئازادی' ئەنجام مڎریۆنە. چا بارۆ هامسەرۆکو ئامەدو دەم پارتی عەباس شاهین پەی ئاژانسیما قسێش کەردێ و واتش: "جە ١٣و تشرینو یوەمینە جە ئامەدەنە بە دروشمەو 'بەبێ ئازادی، ئاشتی بییەیش نییا' پەی هاڵیکەردەیۆ پیلانگێڵنی میاننەتەوەی و گۆشەگیری ئیمراڵی کۆششما بەردەوام مکەرمێ."
عەباس شاهین جەبەردەوامی قسەکاشەنە ئاماژەش بە گرنگی ئامادەبیەی جە گلێربییەو ئامەدینە کەرد و واتش: "گلێرۆبیەکەی پێسەو 'گلێرۆبییەی ئازادی' پێناسە مکەرو." ئاماژەش پانەیەدا ئازادی ڕابەرو گەلو کوردی بە ماناو ئازادی گەلا وەرکەوتو مېیامینی مێ.
'گلێرۆبییەی ئامەدی بۆنە بە گلێرۆبییەی ئازادی'
جە دما دماینە شاهین بانگەوازش پەی بەشداربیەی جە گلێرۆبییەی ئامەدینە کەردو واتش: "پەنەوازا جە تورکیا و کورڎەسانەنە بەشداری بۆنە، بەڕاسی بۆنە بە گلێرۆبییەی ئازادی. وەروئانەی هەڵوێسو گەلی قۆناغەکا دماتەری دیاری مکەرۆ. بۆ بە هەنگامێوە پەی ماڕاو گۆشەگیری ئیمراڵی، پەنەوازا بەڕێز ئۆجالان ئازاد بۆنە."
