هێزەکاو ئاسایشو دلینەی هەرێمو سەرنیشتوو و وەرکەوتوو سوریای دەربارەو هجومەکا دۆڵەتو ئەرەگیرو تورکی و چەتەکاش پەی سەرو شاری و هەرێمەکا سەرنیشتوو و وەرکەوتوو سوریای ئەرەیاونێوەش وەڵاکەردۆ.

هێزەکا ئاسایشو دلېینەی نیگەرانییەکا وێش دەربارەو زیاڎبیەی هجومەکا دۆڵەتو ئەرەگیو تورکی پەی سەرو یاگێ ئەرەنیشتەبییەی و بەمەرام گێرتەی هاموڵاتیا بەربڕی و ئینەی بە "هۆرسەنگناو تەرسێ" نامێ بەرۆ.

هەرپاسە جەخت مکەرۆوە، جە هرووژمەکانە پەی سەرو لادەگاکا کۆبانێ و ناوچەکا زرگانی و لادەگاو موستەریحەیەو عەین عیسای، ژەنێ و زاڕۆڵێ گەشمەرڏێ بیێ. واوەیش مکەرۆوە پەشتگیری دۆڵەتو ئەرەگیرو تورکی پەی چەتەکا پەی ئەرەکۆشای ئارامی تەرسی وستەین دڵو هاموڵاتیاوە.

جە ئەرەیاوناکەینە ئاماژە پانەیە کریان، چەتەکێ بە پەشتگیری دۆڵەتو ئەرەگیرو تورکی هەرمانەی تیرۆریستیە مکەرا.

دماو بانگەواز کەردەی جە هێزە مییاننەتەوەییەکا و ڕێکوزیاکا مافو مرۆڤی کریۆ، دەمودەس هەڵوێس هۆرگێرا و هروژمەکا پەی سەرو هاموڵاتیا دمای پنەبارا بە هێمنی فشار جە ئەرەگیراو تورکی بکەرا، پەشتگیری پەی تیرۆری مردنۆ.

هەرپاسە بانگەوازکریا، دژو ئی پاشێلکارییا هەڵوێستێ جدی نیشانە بڎریۆ.