بانگەوازێوە جە نەورۆزو قەندیلیوە پەی پارتە کوردییەکا: فرسەتی تارێخی جەدەس نمەڎەیدێ!
جە مەبارەکبایی نەورۆزو قەندیلینە، کە بە هەزاران کەسێش چنە بێنێ، تەڤگەرو ئازاڎی بانگەوازو دیالۆگیش ئاراستەو سەرجەم ڕێکوزیاو و پارتە کوردییەکا کەرد.
مەراسیمو نەورۆزو قەندیلینە هامسەرۆکەو گردینو تەڤگەرو ئازاڎیی گلێرگەو کوردستانی (تەڤگەری ئازاڎی) تارا حسێنە پەیامێوە تەڤگەریش واناوە.
پەیامەکەنە ئامابێ: "ئێمە پێسەو تەڤگەرو ئازاڎیی گلێرگەو کوردستانی چی بۆنەو نەورۆزینە داوا وەنەو سەرجەمو گەلەکەیما، هێز و لایەنە سیاسییەکا مکەرمێ، پەی چارەسەرو سەرجەمو کێشەکا جە ڕاو دیالۆگیوە کوێ باوە و پێوە بنیشارە و بەرژەوەندیی نەتەوەیی بە بنەما بگێرانێ.بەیدێ با گردوو ناکۆکییەکا بوزمێ لایێوە، تا فرسەتی تارێخی وەرڎەموو گەلەکەمانینە، مشۆم گردو هێزەکا هەوڵێ بدا ئا فرسەتە دەسنە نەشۆ و نەگنا خزمەتو پرۆژەو ئەرەگیریی کوردستانیوە. ئیتر دەسکەوتی بنەیانەیی و حزبییوە سەرقاڵێ نەبا.
ئێمە داوا وەنەو گردو گەلاو هەرێمەکەی مکەرمێ، بێ جیاوازی بە کۆشیاێوە دیموکراتی و دوور جە ئەقڵیەتی نەتەوەپەرسی ئی قەیرانە ورقوڵیاو هێزە دەسەڵاتپارێزنە نەژادپەرسەکا، ویەرنمێ".
