هامسەرۆکو گرڎیی دەم پارتی تونجەر باقرخان ئەرەیاۋناش بانگەوازو ئاشتی و گلېرگەو دیموکراتیکی ڕابەر ئاپۆی پەی گەلاو تورکیای و ۋەرکۊتوو مېیامینی هەنگامېوە تاریخیەنە، جەختش کەرڎۆ هەر فاڕیایې کە ڕۆحو ۋەرکۊتوو مېیامینی بەبنەما گێرۆ، سەرگنۆ.
جە بەرلینو پایتەختو ئەڵمانیاینە سەڎان کوردەسانیۍ جە (Villa Muzikhol) جە چوارچێوەو بانگەوازو ئاشتی و گلېرگەو دیموکراتیکی ڕابەر ئاپۆینە گلېرې بیێوە.
هامسەرۆکو گرڎی دەم پارتی تونجەر باقرخان، پەرلەمانتارەو ئاگری نەجلا دەمیرە و ئەندامو لوجنەو ڕاوەبەری دەم پارتی ڕێزان کاگان ئەرسەلان بەشدارۍ بێنې.
باقرخان بە چەپڵې پێشوازیش ۋنە کریا. تەئکیدش کەرڎۆ کە پەیامەکې ڕابەر ئاپۆی هەنگامېوە گرنگێنې پەی فاڕایۆ ئەوەکۊشای پەی سەرو زەمینێوە دیموکراتیکی.
باقرخان واتش: "٢٧ و شوباتی پەی گەلا تورکیای و ۋەرکۊتو مېیامینی، هەنگامېوە گرنگەنە".
باقرخان ئەرەیاۋناش ڕابەر ئاپۆ هەم بانگەوازو فاڕایش جە ڕێکوستەکەو ۋێش کەردەن، هەم ئاگایش دان بە دۊڵەتی کە نکۆڵیکەر نەبۆ، واتش: "ئۆجالان پی پرۆسەیە ئەرکی گۊرەش وستەن ۋەردەمو دۊڵەتی. ئی سیستەمەی کە عەیامېوەن ماچۆ "دڎان بە کوردیرە نمەنیەو"، جە دمادماینە مەشۊم دڎان بە کوردیرە بنیۆ. عەلەوی و کورد و گرڎو گەل و شناسنامەکا، ئیتر نکۆڵیشا چنە نمەکریۆ. ئۆجالانیچ ماچۆ "ۋەرکۊتوو مېیامینې تازەی ئەرەمەرزیۆ، کێ ئی فاڕیایە بەبنەما گێرۊ، قازانج مکەرۆ". باوەڕتا بۆ، ئۆجالان متاوۆ دەس جە گرڎ چێوۍ هۊرگېرۆ، بەڵام حەجگیز دەسبەردارو کوردبیەیش نمەبۆ؛ ئینەی بزاندې و ئارامې بیدې. باوەڕ بە گەمەو ئا کەسا نمەکەردې کە خزمەت بە مەرامی جیاوازی مکەرا".
باقرخان ئەرەیاۋناش کە کۊششو ئاڎیشا سەرو پاکێجو دەستووری بەردەوام بۆ.
