رێکوستەو پارتو دیموکراسی و گەلا (دەم پارتی) جە بالیکەسیر کۆنفڕانسو ئیکۆلۆژیش جە بالیکەسیرەنە سازکەرد و چنەشەنە پەرسەکۍ ژیۋگەی و ئیکۆلۆژی و ئا مەترسیۍ کە رووبەڕوو ژیۋگەی باوە تاوتوێکریۍ.

تونجەر باقرخان جە وتێوەنە ئاماژەش پانەی کەرڎ کە دەسەڵات و سەرمایەداری بە شێوۍ دڕندانە هرووژم مکەرا سەرو ئا کەسا کە گەرەکشانە ۋەر بە کاولکاری ژیۋگەی بگێرا، بەڵام ئا قەسەمەی واردەنما پەی بنیاڎنیای وڵاتێوە ژیۋگەیی و سروشتی بەرمێش سەر و وڵاتەکەی پێشکەش بە سەرمایەداری نمەکەرمۍ. باقرخان ئاماژەیچش بە دیڎارەکا "نان و دادپەروەری" کەرد و باسش چانەی کەرڎ، کە هامشانو ئەرەکۊشایشا پەی دیموکراسی، لاو گەلوو کوردیوە ئەرەکۊشای جە دژو قڕکەردەی ئیکۆلۆژیچ گرنگا.

باقرخان ئانەیچش وست ڕووە کە سەرەڕاو ئانەی کە وڵاتەکە ئینا دلۍ قەیرانۍ و ئاژێوە ناهەموارینە، بەڵام کۆمپانیاکۍ سەرمایەداری ئاژەشا فرە خاساو دڵوەشێنۍ، چونکی دەسەڵاتیچ پېسە ئاڎیشا ویر مکەرۆوە، پەی ئاسانکاری پەی قڕکەردەی ئیکۆلۆژی بەردەوام و بێ مردای جەمۍ یاسۍ وزا ۋەردەمو پەرلەمانی، کاتێ ئۆپۆزسیۆنێوە لاواز ۋەرا ۋەرشانە بۆ، گرڎو کردەوە نایاساییەکاشا بە ئاسانی پەی ملۆنە سەر."

جە درێژەنە باقرخان ئانەش وست ڕووە، کە دەسەڵاتو ئاکەپەی جە هەر شۆنێنە کەشێوە، رووبارێوە، دارسانۍ و بەنداوێوە بوینۆ بە چەمۍ تاڵانیۆ تەماشەش مکەرۆ. ئانەیچش وست ڕووە کە دەسەڵاتو ئاکەپەی جە ماوەو ٢٢ ساڵانە ٣٢ جارۍ یاسا دارسانەکاش فاڕان. ئێمە ڕوو بە ڕوو دەسەڵاتێوەنمۍ کە دژمنایەتی ۋەرا ۋەر بە دارسانی، سەوزایی، رووباری، دەرەی، کەشی، کوردا ۋێڕاگری و ژەنا مکەرۆ. پەی ئەوەڵجارین چۍ ماچوش ، جە ئیساتێنە لایەنەکۍ دەسەڵاتی ئاماڎەکاری مکەرا پەی ئانەی پێشنیازەیاسێوە پەی کۆمپانیاکاو بوارو کانزای ئامادەبکەرا پەی ئانەی ئا کۆمپانیۍ بە شێوێوە ئاسانتەر بتاوا ژیۋگەی تاڵان بکەرا. هەرمانەکېما دژوارەنە، هەرچڼە سەڎەنە ٨٠و گلېرگەو تورکیای پېسە ئێمە ویرمکەرۆوە. تەنیا کەموکوڵیما جە بوارو ڕێکوستەبیەینە هەن. مشۆم پێوەرە جە دژوو ئی دەسەڵاتەی کە ئیکۆلۆژی قڕ مکەرۆ ئەرەکۊشمۍ". جەخشتیچش کەرڎۆ، "مشۆم پێوەرە ۋێما چی دەسەڵاتداریەی کە تورکیاش یاونان بە لێوارو وڕای رزگار بکەرمۍ".