هامسەرۆکوو دەسەی ڕاوەبەری کەجەکەی جەمیل بایک گەشمەرداو مانگەو ئایاریش ۋیرئاردێوە و ئەرەیاۋناش، "گەشمەردۍ بناغەو ئی کۊشیاینۍ. ئەگەر گەلەکەما ئارۆنە ئینا سەروو پەیاوە، تاریخ منویسۆوە، بۆ بە هومێڎێوە گەورە پەی مرۆڤایەتی، ئانە جە سایەو ئا بەهایاوەن".
هامسەرۆکوو دەسەی ڕاوەبەری کەجەکەی جەمیل بایک هۊرسەنگنایش پەی رۆژەڤەکا کەرد. جە بەشی یووەم و بەرنامەکەینە پرسەکاو جەژنەو زۋانی کوردی، گۆشەگیری سەروو رابەروو گەلوو کوردی عەبدوڵا ئۆجالانی و گەشمەرداو مانگەو ئایاریش هۊرسەنگنۍ.
سەبارەت بە زۋانی کوردی گەرەکتانە چێش واچدۍ؟
بۆنەو جەژنەو زۋانی کوردیۆ مبارەکبایی جە تەماموو گەلوو کوردی و جە مرۆڤایەتی مکەروو. بەراسی جەژنێوە پا جۆرە پەی کوردی پێویسەنە. پەی چی؟ ۋەروو ئانەی سیاسەتێوە تاونایۆ کولتوری گەورە سەروو گەلوو کوردیرە پەیڕەو مکریۆ. گەرەکشانە گەلوو کوردی دلێنە بەرا. پەی گەلێوە گەورەی، کولتور جەستەو ئا گەلەینە. بیەو ئا گەلەینە. ئەگەر گەلێوە، نەتەوێوە زۋانوو ۋێش، کولتوروو ۋێش جە دەس بڎۆ، مەتاوۆ بژیۋۆ. دلێنە مشۆ. چی سەردەمەنە زانست و تەکنەلۆجیا فرە وەڵێکۊتەن. بەتابەتی سیستموو مۆدێرنیتەی سەرمایەداری ئەرەگیر و قڕکەر فرە ئیسفاڎەش چنە کەردەن. پەی ئانەی ئامانجەکەیش بارۆنە دی، زیاتەر مردای سەروو تاونایۆ کولتوری مکەرا. پەی ئانەیچ تەکنەلۆجیا و زانستوو ۋێشا پەی ئا مەبەسیە جە گرڎ ڕوێوە بەکارمارا. ئیساتۍ دەوڵەتوو تورکی قڕکەری و ئەرەگیری تابلێتۍ سەروو فرەو زاوڵا کوردیرە بەخشۆوە. جە ۋەننگە سەرەتاییەکایچەنە بڕۍ بەرنامێشا چا تابلێتانە وەزنێنێرە. ئا بەرنامۍ سەروو ئا تابلێتاوە وەزنریێنێرە پەی ئانەینۍ کە گرڎوو گەنجا کوردی، زاوڵا کوردی بە تەمامی بکەرا بە تورکۍ، بە تەمامی جە ئشناسنامە و راسی ۋێشا دوورێشا وزاوە، تاوناشاوە و بتاوا گلێرگەی کوردی دلێنەبەرا. پۊکەی پێویسا گەلەکەما گردشا خاوەنداری جە زۋانی و کولتوروو ۋێشا بکەرا. خاوەنداری جە گرڎوو زاراوەکا کوردی بکەرا، نەک هەر کرمانجی. جە دوملکی (زازاکی)، جە سۆرانی جە گرڎوو زاراوەکا خاوەنداری بکەرا، وەڵێش وزا. هەم فێربۆ، هەم بنویسۆ هەم قسۍ بکەرۆ هەمیچ بە زۋان و کولتوروو ۋێشۆ بژیۋۆ. ئیساتۍ تا مۍ گەلەکەما جە روو زۋانی کوردی، کولتوری کوردییوە بڕۍ هەنگامۍ منیۆ. ئانۍ عالێنۍ، بەڵام کەمێنۍ. مشۊم هەنگامەی بەقوەتتەرە بنریۆ. پەی نمونەی، ئیساتۍ فرەو نامۍ گەشمەرڎا، نامۍ کوردیە پەی زاوڵەکاشا منیارە. ئینە فرە عالا. بەڵام وەختۍ ئا نامێشا ۋنە نیۍ، مشۆم جە بارەو نامەکێوە قسۍ پەی زاوڵەکایچشا بکەرا. پنەشا واچا ئا نامۍ چکۊوە ئامێنۍ، لاو کورداوە بە چ مەعنێوە مەیا، پێویسا جە بارەو ئانیشا گرڎیۆ بە وردی قسۍ چنی زاوڵا بکریۆ. پەی ئانەی زاوڵۍ ئی گلێرگەیە جە راسی ۋێشا، جە ڕێخەو ۋێشا دوورۍ نەگناوە، بتاوا چنی راسی ۋێشا بژیونا. دەوڵەتوو تورکی قڕکەر پەی ئانەی کوردا دلێنەبەرۆ، جە زۋان و جە کولتورۆ دەسشپنەکەردەن. جە بنەڕەتەنە چێگەنە قڕکەردەی ئەنجام مڎۆ. جە رووی تەریچۆ قڕکەردەی ئەنجام مڎۆ، بەڵام ئەگەر گەرەکشا بۆ گەلێوە دلێنەبەرا زۋان و کولتورەکەیش دلێنەبەرۆ. ئا وەختە ئا گەلە مەتاوۆ بژیۋۆ. ۋەروو ئانەی گەلەکەما، گەنجاما گرد مشۆم خاوەنداری جە زۋان، کولتوروو ۋێشا واتە ئایندەیشا بکەرا، بۊنەو ۋێشاوە کۊشیانە و بژیوا. ئانەی پېسە کۊشیایۍ ئازاڎیی پەی ۋێش بە بنەما بگێرۆ. ۋەروو ئانەی خاوەنداری جە کولتور و زۋانوو ۋێشا خاوەنداریین جە پیمەرەکا ئازاڎیی. ئا کۊشیایە پێسە کۊشیای کۆمەڵایەتی، سەروازی، هزری، جە گرڎ ڕووێوە ئا کۊشیایچە کۊشیایۍ گەورەن. ئەگەر گەلەکەما گەرەکش نیا چێروو تاونایۆ کولتورینە بۆ، مشۆم جە دژوو ئاسیمیلاسیۆنی (تاونایۆ) کولتوری خاوەنداری جە ۋێش بکەرۆ و پەی ئانەی کۊشیۆنە، زاوڵا بە زۋانی کوردی، بە کولتوری کوردی، بە ژیۋای کوردی گەورۍ بکەرۆ. سەروو ئا بنەمایۍ بانگەوازی من پەی گرڎوو گەلەکەیما ئانەنە کە چکۆنۍ با با ، جە یانەکاشانە، جە بەرۆ بە تەمامەتی جە ژیۋایشانە کوردایەتی، کولتوروو کوردایەتی پەی ۋێشا بە بنەما بگێرا. سەروو ئا بنەمایۍ ژیۋای ۋێشا پێکبارا.
رابەروو گەلوو کوردی عەبدوڵا ئۆجالان ٣٨ مانگێن ئینا چێروو ئەشکەنجە و گۆشەگیری دژوارینە. بەڵام وەزیروو دەوڵەتوو تورکی واتش، چا حیچ گۆشەگیریێوە نیا ئارانە، گرڎ چێوۍ ئاساییا، مافوو ۋێشا بەکارمارا. مەڵامەتوو ئا ئەشکەنجە دژوارەیە و ئا قسا چێشا، جە ۋەرا ۋەروو ئانەینە مشۊم چێش بکریۆ ؟
سەروو رابەر ئاپۆی سیاسەتێوە کە بریۆ ڕاوە سیاسەتوو قڕکەردەین. سیاسەتێوەن کە سەروو گەلوو کوردی بریۆڕاوە جە کەسایەتی ڕابەر ئاپۆینە پەیڕەو مکریۆ. مزانیۆ کە رابەر ئاپۆ پەی ئانەی کێشەکا بە ڕاو سیاسی چارەسەر بکەرۆ لووا ئەوروپا. تەنانەت جە ئەوروپانە پەی چارەسەری پرسوو کوردی ٨ خاڵێش ئەرەیاۋنۍ. بەڵام جە ئەوروپانە چێش ڕووەشدا؟ پیلانگێڵنی. ئا هەڵسوکەوتەو ئەوروپای، هەڵسوکەوت و مامەڵەشا چنی گلێرگەو کوردی و پرسوو کوردی. جە کەسایەتی رابەر ئاپۆینە مامەڵە و هەڵوێسوو ۋێشا ۋەرا ۋەر بە گەلوو کوردی بەربڕی. ئەگەر ئەوروپا گەرەکش بیۍ پرسوو کوردی جە ڕاو سیاسیۆ چارەسەر بکەرۆ، حەجگیز ئا مامەڵەیە ۋەراۋەر بە رابەر ئاپۆی نەکەرێنۍ. ئینە حەقەتینا. ئەگەر ئارۆنە گۆشەگیریێوە رەها و ئەشکەنجێوە بێ سنوور سەروو رابەر ئاپۆی بریۆ ڕاوە، چینەینە تەنیا هەر دەوڵەتوو تورکیای، حکومەتوو ئاکەپە-مەهەپەی ۋەرپەرسۍ نیەنۍ. چینەینە ئانەی پیلانگێڵنیش کەرد، ناتۆ، ئەوروپا پێوەرە ۋەرپەرسێنۍ. سی پی تی قەرارەکاو ئاڎیشا بە کردەوە جابەجێ مکەرۆ. ئا قەرارۍ جە ئەنجومەنوو ئەوروپای، ناتۆوە هورش گێرتێنۍ، سی پی تی بە کردەوە جابەجێشا مکەرۆ. ئاڎیچ چنی دەوڵەتوو تورکیای جابەجێشا مکەرۆ. ئەوروپا فرە باسوو یاسۍ، دادپەروەری و مافەکا مرۆڤی مکەرۆ. ئانۍ گرڎ دروێنۍ. سەروو رابەر ئاپۆی ئا سیاسەتەی پەیڕەو مکریۆ هەم راسی دەوڵەتوو تورکیای، هەم راسی دەسەڵاتداری تورکیای، راسی ئەوروپای نیشانە مڎۆ. ئانا گرڎ کەسۍ موینۆش. هیج یاسێوە نیەنە ئارانە، دادپەروەری نییا، مافەکاو مرۆڤی نیەنۍ ئارانە. گرڎ چێوێشا وستەن چێروو پەیا. بە تەمامی مەسڵەحەتە سیاسی و ئابووریەکێشا بە بنەما گێرا. گەلوو کوردی مکەرا قوربانی ئانەی. ئینە ڕۊشنا و ئینا ۋەرووچەماوە. یاساو ئەوروپای و دادپەروەری ئاڎیشا مایەپووچ بیەن. جیای یاسۍ، دادپەروەری یاساکاو گلادیۆی پەیڕەو مکەرا. جە یاساکاو گلادیۆینە حەجگیز یاسا بیەیش نییا، هەڕەمەکی هەن، مەردەی هەن، کۆمکوشی هەن. ئەگەر جە جیهانەنە ئانەی ۋەرا ۋەر بە رابەر ئاپۆی کریۆ، سەروو بڕێوە تەریرە ئامابیۍ، قیامەت هورئێزنێنۍ. بەڵام ئارۆ موینمۍ کە کەڕ و لاڵێنۍ. ئیسە وەزیروو دادوو تورکیای ماچۆ، گۆشەگیری بیەیش نییا گرڎ چێوۍ بەشێوەی بێهامتا ملۆڕاوە. تەلەڤزیۆنەنە دروۍ گەورۍ پا جۆرەیشە کەردە. ئا غیرەتیە چکۊوە مارۆ؟ جە ئەوروپا، ناتۆی و چانیشا پیلانگێڵنی میان نەتەوەیشا ئەنجامدا، هورش گێرۆ. ئەگەر ئاڎۍ پا حەدە غیرتشا نەڎابیۍ پنە، نەتاوۍ پا جۆرە قسۍ بکەرۆ. ئینە ئاشکران. ئیسە وەیسی ئاکتاش ٣٠ ساڵۍ ۋێش تەمام کەردەن. بەڵام چێششا کەرد؟ ساڵێوەشا پەی درێژ کەردەنۆ پەی ئانەی ئازاڎش نەکەرا. چینەینە یاسا ئینا چکۆ، دادپەروەری ئینا چکۆ؟ بەتەمامی هەڕەمەکییا. پەی چی ئینسانێوە کە ٣٠ ساڵۍ ژیۋایش زینڎانەبیەن ، ٣٠ ساڵوو ۋێش تەمام کەردەن ئازاڎ مەکریۆ؟ کەواتە چا زینڎانەنە بڕۍ چێوۍ ڕووە مڎا، پەی ئانەی بەرۆ کەس پانیشا نەزانۆ، پۊکەی ساڵێوەشا پەی وەیسی ئاکتاشی درێژکەردۆ تا ئازاد نەکریۆ. ئینە گرڎ چێوۍ ئاشکرا مکەرۆ کە جە ئیمراڵینە سیستمێوە کە پیلانگێڵنیشا پەی کەرد، ناتۆ، یەکێتی ئەوروپا، سی پی تی، خائینە کوردەکۍ ئەنجامشا دا، ئا سیستمە ئینا ئارانە. ۋەروو ئانەیچ پێویسا گەلەکەما دژوو ئانەی گوڕ بە کۊشیای بڎا. واوەی و چن بارە رابەر ئاپۆی بۋاناوە، بە قووڵی جە پارێزنامەکا رابەر ئاپۆی بیاوانە، بە پاو ئانەیچ گوڕ بە کۆشیای بڎا. تەنیا ئەگەر گەلەکەما، دۆساما کە کۊشیای بکەرا و فشار وەش بکەرا، ئا وەختە ناچارۍ با دەس چا سیاسەتەیشا هۆربگێرا. ئەگەر پا جۆرە نەبۆ گەرەکشانە بە پاگیریوە درێژە پا سیاسەتەیشا بڎا. چێگەنە بانگەوازێوەم پەی پارێزنەرا هەن، مشۆم زیاتەر پەرە بە کۊشیای یاسایی بڎا. نەواچا بڕۍ هەنگامێما نیۍ نا بەڵام نەیاوایمۍ ئەنجام. مشۊم جە روو یاساییوە کۊشیای فراوان بکریۆ، سەروو ئاستی میان نەتەوەییچ مافناسۍ بیەیشا هەن. متاوا چنی ئاڎیشا ئی کۊشیایە بکەرا. ئینەیچ ئەرەکۊشایێوەن. مشۊم پی جۆرە بیاومێشەنە. ئەگەر پی جۆرە بیاومێشەنە، جە روو یاساییوە کۊشیای بەهێز مکریۆ و ئانە هەم ناتۆ، هەم تورکیا، هەم یەکێتی ئەوروپا، هەمیچ سی پی تی تەنگەتاو مکەرۆ. بڕۍ کۊشیای ئاما ئاراوە ، تەنگەتاوۍ بیۍ و ناچارۍ بیۍ قسۍ بکەرا. سەرۆکوو سی پی تی جە قسەکاشەنە دڎانش گرڎ چێوێرە نیا کە چ سیاسەتێوە ملۆڕاوە. ئانە ڕۆشنا.
هەڵمەتەو 'ئازادیی پەی ڕابەر ئاپۆی و چارەسەر پەی پەرسەو کوردی' ٨ مانگێش پەڕ کەردۆ و ئینا قۆناغوو دووەمینە. بارەو ئاستوو ئیسەیی هەڵمەتەکێ و ئا چێوا چێولای مکریانێ گەرەکتانە چێش بواچدێ؟
پەی ئی هەڵمەتێ زیندانەکاو دەوڵەتوو تورکینە بڕێ هامڕێ و وەڵاتپارێزنێ مکۆشیانێ. ئینە کۆشیاێوی بەشکۆن. چێش ماچدێ؟ واتشا، مادام گۆشەگیریی ڕەها سەروو ڕابەر ئاپۆی مکریۆ، ئێمەیچ گەرەکمانە بە هەمان شێوە بژیومێ، شمە نمەتاودێ جە ڕابەر ئاپۆیمابڕدێڕە. شمە ڕابەر ئاپۆی جە گردوو مافەکاش بڕدێرە. ئێمە ئینەیە قبووڵ نمەکەرمێ.چونکوم ڕابەر ئاپۆ نمەتاوۆنێ چەنی پارێزنەر و بنەیانەکەیش چەمپەنەکەوتەی بکەرۆ، ئێمەیچ چەنی پارێزنەر و بنەیانەکاما ماڵەکانماندا چەمپەنەکەوتەی نمەکەرمێ، نمەلمێنە دادگاکاو شمە. ئێمە نمەلـمێنە دادگاو تەندروستی. شمە جەنگێوی تایبەت مکەردێ، ئێمەیچ ئینەیە قبووڵ نمەکەرمێ. یانێ چێگەنە هەڵمەتێوی چینێشا کەردە. ڕابەر ئاپۆ، خەتەو ڕابەر ئاپۆی، مدرامانوو ڕابەر ئاپۆیشا، کەرد بە بنەماو مدرامانوو وێشا. دیسان جە مەیدانی میاننەتەوەیینە خەیلێ ڕۆشنویر، هونەرمەند، ئەکادیمی، سیاسەتمەدارێ، یاساشناێچ پەی سی پی تی نامەشا کیانا. داواشا وەنەو سی پی تی کەردە ئا ڕاپۆرتە سەروو ئیمراڵیی ئامادەشا کەردەن، ئاشکراش بکەرا. هەرپاسە ڕاستەخۆ لوودێ ئیمراڵی. یانی ڕابەر ئاپۆ ئینا چا یا نا. ڕەوشوو ڕابەر ئاپۆی چەنینا و چێشا؟ چی نمازا چەمپەنەکەوتەی بکریۆ؟ ئێمە ئینایمێ گومانەنە. ئەرەیاونیا، نامە کیانیا، حەر ڕوێ و ئەرەیاوناێوە مدانێ. دیسان گەلەکەما بەتایبەت وەرنیشتنە گرد ڕوێ چالاکیی مکەرا. بەشەکای تەرنە چالاکیی هەن، نامەکیانای هەن، ئەرەیاونای هەن. شەرمەزارکەردەی هەن. پەوکای سڵام و حورمەتم پەی ئی چالاکییا بەرموزوونێ. ڕاسا هەنگامەکێما دەس پەنەکەردێنێ، هەنگامەو هەڵەمەتەو یوەمی جگە جە کەموکوڵییەکاش بەسەرکەوتەیی دماییش ئاما. پەرسێوەش وەشە کەردە، سەروو ئا بنەمێ دەسمان بە قۆناغی دووەموو هەڵمەتەکێ کەردەن و بەردەواما. بڕێو چالاکیێ کریێ، بەڵام پێسەو پێویسی نیەنێ و کەمێنێ، پێویسا چالاکییەکا قەوەتتەرێ و فراوانتەرێ بکریانێ. گەر چالاکییەکێما قەوەتتەرێ نەبانێ، فشارێوی فرە سەرو داگیرکەری تورکی، سی پی تی و ئەنجوومەنوو ئەورووپایوە وەش نەکەرمێ، ئانە ئی سیاسەتەیە کە مکەرانێش سەرش بەردەوامێ بانە، جەختکەردەیوەیچشا پاو کەموکوڵییەکاو چالاکییەکاو ئێمەوە مکەرانێ. دە پێویسا گەلەکەما ئینەیە بزانۆ. جە مەیدانی نەتەوەیی و میاننەتەوەیینە وەرگێری نامەکاو ڕابەر ئاپۆی دەسش پەنە کەرد. هەرمانیوی فرە گرنگە بێ. پێویسا ئیساتێچەنە بەردەوام بۆ. بەڵام قەوەتتەرش بکەرمێ، هەنگامەی زیاتەرە بنیەیمێ. وەرگێرینامەکا بواناوە و گفتوگۆشا سەر بکەرمێ. پێسە بیاونمێشا بە گرد کەسێو. ڕابەر ئاپۆ چێشش وات؟ واتش، وەرگێرینامەکێم بیاوا بە حەریاگێو ئانە من ئینانا چاگەنە. یانێ هەرمانەمانە وەرگێرینامەکا بیاونمێ بە گرد یاگێوە، هەرمانەو گرد کەسێوەنە، هەرمانەو گردوو دۆساو گەلوو کوردیچنە. شە. گەر ئی هەرمانا پێسە بکەرا، گرد کەسێو بەرنامەو وەر وەرگێرینامەکا بدا وەڵێ وێشا، پێویسا هەم وانای، نویستەی هەم واتەواچ، گەلێو سیمنیارێ، خەباتی هامبەشێ بکریانێ. ئا چالاکیێ کە تەمامکەرێ یۆترینینێ گەر نەتەمامنمێشا، پارچە پارچە دروسێ بانێ. پێویسا گرد ناوەندێوەنە گردوو ئینیشا ڕێکێ بوزیا و چالاکییەکێ تەمامکەرێ یۆی با و هێزی کاریگەرشا بەربگنۆ. گەلێو چالاکیێ مکریانێ، بەڵام تەمامکەرێ یۆترینێ نەبێنێ. وەروو ئانەیە چالاکییەکێ ئەنجامێوی فرەشا نەبێ. پەوکای پێویسا پەی ڕابەر ئاپۆی کۆمیتەی یاسایی وەش بکریۆ، ئا کۆمیتەیچە خاوەنداریی وەنەو مافەکاو ئاپۆی بکەرۆ، کۆشیاێوەن کە گرد کەسێو سەروو ئا بنەمێ بجووڵییۆوە. گەر چی چوارچوەنە هەرمانەکێ بکریانێ ئانە هەڵمەتەو دووەمی میاوۆ بە ئامانجەکاش. ئامانجوو هەڵەمەتەو دووەمینی چێشەنە؟ ئازادی جەستەیی ڕابە ئاپۆین. دماییئاردەی بۆ بە سیاسەتوو قڕکەردەی سەروو کوردا. وەشکەردەی ئازادیی گەلوو کوردییا، وەروو ئانەیە هەنگامێوی ستراتیژییەنە. پێویسا گردکەسێو سەروو ئی بنەمێ دەڤەرێوەنە هەرمانەو وێش بزانۆ و بکەرۆش. داوام جە گرد کەسێوەنە سەروو ئی بنەمێوە با.
ئینایمێ ڕۆ و مانگەو گەشمەردانە. گرنگیی گەشمەرداو مانگەو گوڵا جە کۆشیای ئارۆیمانە چەنی ورمسەنگندێ؟
مانگەو گوڵانیما کەردە بە مانگەو گەشمەردا، ١٨و گوڵانیچما کەرد بە ڕۆو گەشمەردا، پەوکای پێویسا ئینیشا خاس ڕۆشن بۆوە. پەی ئێمە نەک بە تەنیا مانگەو گوڵانی مانگەو گەشمەردانە، ١٨و گوڵانی ڕۆو گەشمەردایچا. ئێمە تەڤگەروو گەشمەردانمێ. ئینایمێ سەروو ڕاو گەشمەرداوە. سەروو ئامانجوو گەشمەرداوە هەنگامە منیەیمێ. گرد ڕۆ و مانگێوە گەشمەردێ مدەیمێ. ئینە حەقیقەتا. پێسە بەهاکا وەش مکەرمێ، بەهاکا گەورەتەرێ مکەرمێ و مپارێزنمێشا. ئانا پێسە گەلما زیندە کەردۆ، وستما وەڵێ، یاوا حاسوو میاننەتەوەیی ئیتر ئینسانیەت داواو هامکاری وەنەو گەلەکەیما بکەر. پێسە گرد بە کۆشیای گەشمەرداوە وەش بییەن. بناغەو ئی تەفگەرەیە گەشمەردێنێ. کۆشیای گەشمەردان. گردما جە کۆشیای کۆشیای گەشمەرداوە دەس کەوتەن، ئێمە قەرزارێ گەشمەردانمێ. گەرەکمانە قەرزەکاما بدەیمێوە. سەروو ئی بنەمێوە دەکۆشیەیمێ. هێز و سەرچەمەما بە تەمامی ئینا بە گەشمەرداوە. بەوەرموو ئادیشا، بە هەستوو ئادیشا، بە کۆشیای ئادیشا، بە بەهاشا بونیاتشا نیێنێ، وێما وەش مکەرمێ، وێما موزمێ وەڵێ. هێزێما ئینا چیگەنە. وەروو ئینەیەنە کە ئی تەڤگەرە بییەن بە تەڤگەروو ئازادی. بییەن بە هومێدێوی گەورە پەی ئینسانی. گەر خەتەو گەشمەرداما کەردە بە بنەماما ئیتر جە ڕابەر ئاپۆی یاوێنمێنە. وەروو ئانەیە ڕابەر ئاپۆ داواش پەی گەلەکەیما ئانێنە بەها بارۆنە ئاراوە. چونکوم گرد بەهاێوە جە گەلوو کوردی ورەگیریێبێ. ڕابەر ئاپۆ پەی ئینەیە کۆشیاێوی گەورەش کەرد. پێسە بە گەشمەرداش کەرد. وەروو ئانەیە حەر گەشمەردێوەش کەرد بە ئەڵقێوە پەی ئانەیە کۆشیای گەورە بکەرۆ، تا گەلوو کوردی بەها بونیات بنیۆ. ئا وەختە ئی بەهێ ئامێ ئاراوە، گەلوو کوردی زیندە بییۆ، وەڵێ کەوت، بی بە هومێدێوە پەی ئینسانیەتی. گەر گەلوو کوردی بەها پەی وێش بونیات نەنیۆ، بەهاو ئازادیی قەوەتە نەکەرۆ، وەڵێ نمەگنۆنێ و گەل نمەتاوۆنێ بژیوۆ. گەر ئارۆنە گەلما ئینا سەروو پایاو، تارێخ منویسۆوە، بییەن بە هومێدێوە پەی ئینسانیەتی. ئانە سەروو ئی بنەمێنە. گەر ڕۆو ١٨و گوڵانیما کەرد بە ڕۆو گەشمەردا. هۆکارەکەش ئانەنە چی ڕووەنە حەقی کارەر کوشیان. هامڕا حەقی کارەر کورد نەبییەن، خەڵکوو کوردستانیچ نەبێ. خەڵکوو تورکیای بێ. هامڕا حەقی کارەر خاوەندارییش جە کۆشیای گەلوو کوردی کەرد. جە دژوو سیستموو دەوڵەتوو تورکی قڕکەری بەرکەوت. وەروو ئانەیە دەوڵەتوو تورکی ستراتیژێوە مکەرۆ، کە کوردی تەنیا بەرۆ بە تەنیایی بازۆشۆ. هامڕا حەقی کارەر وەروو ئینەیە ڕاستەوخۆ بەشداروو دلێ تەڤگەری بێ. حەر وەروو ئینەیچە بێ کوشیا. چی مانگێنە بە تەنیا ئێمە گەشمەردێ فرێما نەدێنێ. گەلوو تورکیایچ گەشمەردێ فرێشا دێنێ. گەلوو عەرەبیچ گەشمەردێ فرێشا دێنێ. وەرکەوتوو دلێڕاسەینە کۆشیای کریا، جە کۆشیای دیموکراسی و ئازادیینە گەلێو گەشمەردێ وەشێ بیێ. تورکیانە دەنیز گەزمیش، حوسەین ئینان، یوسف ئاسلان، سینان جەمگیل، ئیبراهیم کایپاککایە، ئولاش. چندێ تەرێچ، کە متاومێ بژمارمێشا. کانگاو کانزاو سۆماینە . وەرکەوتەنە چوار شۆڕشگێڵنێ کوردێ دریێ قەنارە، سلێمان موعینیی کوشیا. لەیلا قاسمە،قامیشلۆیچ گەشمەردە بی، یانی تەماموو کوردستانی و تورکیایچەنە گەشمەردێ فرێ هەنێ. پەی پەکەکەیچ محمەد کاراسوونگوور، هەڤاڵ مزگین، قاسم ئەنگین و چندێ تەرێ. گەشمەردێما هەولێرنە، کە بارزانییەکا کۆکوشیێوی گەورەشا کەرد. پی بۆنەوە بە ڕێز و پەنەزانایوە حورمەتو وێما پەی گەشمەردا بەرموزمێ و یادشا مکەرمێوە. بە گەشمەرداوە ئی تەڤگەرەما وست وەڵێ. هیچ وەختێو خەتەو ڕابەر ئاپۆی وەرەنمەدەیمێ، کە خەتەو گەشمەردانە. ڕابەر ئاپۆ چەنی وێش کەرد بە قسەکەروو گەشمەردا، میلیتانییاو پەکەکەی و پاژکیچ گرد قسەکەرێ گەشمەردانێ، داوام ئانێنە کە پێویسا گرد کەسێو خەتەو گەشمەردا بکەرۆ بە بنەماو ژیوای وێش. جە ژیوای گەشمەردا بکۆڵیۆوە، ژیوایشا یەکانگیروو ژیوای گەشمەردا بکەرا، تا گەورەیی بدا بە ژیوای. ئینە هەرمانەو گرد لاێوەنە. دەوڵەتوو تورکی دوژمنوو گەلوو کوردین. ئی دوژمنایەتییە ئینا گرد یاگێونە. نەک تەنیا سەرنیشتوو کوردستانینە بەڵکوم گردوو بەشەکاو کوردستانینە ئینە هەن. حەر ڕوێو جەنازێو زیندانەکاوە مزیۆرە. ژەنی پیرێ ٨٠ ساڵێ موزانێ زیندانەکاوە کە تەنانەت نمەتاوانێچ هەنگامە بنیانێ. هەقە وەنەو گەلوو کوردی مکەرانێوە.پێسە گەرەکشانە گرد کەسی بتەرسنا، تا هیچ کەسێو بەشداروو دلێ کۆشیای نەبۆ، دەسبەرداروو کۆشیای با تا قڕشا بکەرا.ئانە کە کوردستاننە مکەرۆش بەتەمامی پەی دلێنەبەردەی کوردان. وەڵاتپارێزنی نمەتاوۆنێ ئینەیە قبووڵ بکەرۆ. وەڵاتپارێزنی چێشش گەرەکا؟ دژوو داگیرکاری گرد لاێوە ئی هەڵوێستەش گەرەکا، ئینە مافوو گرد ئینسانێوە کوردین.
مەنەنش.....
