پاڵەوانێتی جەهانو بۆکسێنی (WBC)  جە ٢٢ی شوباتو ٢٠٢٥ جە ڕیازو پایتەختو سعودیەینە لواڕاوە.

جە گەمەو دماینە بۆکسێنەرو کوردی عەگید کابایەلی ٣٢ ساڵ و پاڵەوانێتی وەڵینو جەهانی پەی کێشی قورسی WBC ژیلی ژانگی چینی ڕووبەڕوو یۆبیێوە.

عەگید کابایل جە گڕی ششەمەنە بە سەرکۆتەی جە ڕکابەرە چینییەکەیش بەردۆ و بیی پاڵەوانو جەهانی.

کابایل تا ئیسە ٢٦ گەمێ پڕۆفیشناڵێش بەبێ دۆڕنای تۆمارکەردێنێ.

عەگید دماس گەمەکەیش قسێش کەردێ و واتش: " فرە دڵوەشەنا و ئینە هەرمانێوە گۆرێ بێ. سوپاسو گرڏو ئا کەسا مکەرونە یارمەتیدەرێم بیێنێ."

عەگید کابایەل کە جە ئەڵمانیانە جە ئەڏابییەن، نەوەو بنەیانێوە کوردو ناوچەو بازارجخی مەڕەشەین.