ئەرەیاۋیا کە جەنازەو دەیان سەروازا کە ٢٣ۍ کانونوو یووەمی جە خواکورک و مەتینانە کوشیۍ، بریېنۍ پۍ خەسەخانەو دەوڵەتی جە جۆلەمێرگ. وچیۆ جەنازەو ئەرەنیشتا هەرێمەکەی بە زۆرەملێ جە بەشوو مەردەخانەینە وزیېنۍ بەروو ئا بەشە جە خەڵکی قەڎەغەکریان.
بەپاو زانیاری سەرچەمە دلېینەکا، ژمارېوە فرە جەنازۍ بریېنۍ یاگۍ هۊرگېرتەو جانازا جە خەسەخانەو جۆلەمێرگی. جەنازەو ئەرەنیشتا مەدەنی هەرێمەکەی بە زۆرەملێ جە بەشوو مەردەخانەینە وزیېنۍ بەروو و بە بێ ئانەی جەنازەکۍ شۊریا، چا بەشەنە کریېنۍ بەر.
شایەتحاڵێوە ئەرەیاۋناش، " کاربەدەسا خەسەخانەکەی ئامۍ و واتشا، 'قەراروو ئیدارەو پارێزگایا، جەنازەکاتا چۍ هۊرگېردېوە. ۋەروو ئانەی جەنازۍ سەروازەکا مارا پۍ ئېگەی. ئامانجشا ئانەن جەنازەو سەروازەکا جە گەلی بشاراوە. ۋەروو ئانەی بەشوو مەردەخانەو خەسەخانەکەیشا جە خەڵکی قەڎەغەکەرڎەن. ئیدارەو پارێزگاو جۆلەمێرگی ئا قەرارشە بەرکەرڎةن، چنڎین ڕووېن نمازا کەس جە بەشوو مەردەخانەو خەسەخانەکەی نزیک گنۊوە. بەپاو زانیارییەکاما ژمارېوە فرە جەنازۍ سەروازەکا چا نریېنێرە".
