نووسینگەو سەرۆکوەزیرانو عێراقی محەممەڎ شیاع سودانی جە ئەرەویاۋنایېنەن ئەرەیاۋناش، بۆنەو جەژنەو ڕۊچەبیەی ئێزدییەکاوە،قەرارو ٤ ڕووا ئیسراحەتی ڕسمی پۍ گرڎوو فەرمانبەراو ئێزدی بەرکریان.
جەئەرەیاۋناکەینە ئاماژە پانەی کریان، سەرۆکوەزیران جەژنەو ڕۊچەگېرتەی ئێزدییەکا جەگرڎوو ئێزدیییەکا موبارەک کەرۊ و قەرارش دان بە ٤ ڕوۍ ئیسراحەتی ڕسمی پۍ گرڎوو فەرمانبەراو ئێزدی.
ئېساڵ جەژنەو ڕۊچەگېرتەی ئێزدییەکا گنۊ ١٢-١٥و کانوونوو یوۋەمی.
بە بڕواو ئێزدییەکا حەفتەو یوۋەمو دووەموو مانگەو کانوونوو یوۋەمی کوڵتەرین ڕوێنۍ جە ساڵەنە، پۊکەۍ چا حەفتەنە ٣ ڕووۍ ڕۊچۍ با. بە بڕواو قەناعەتوو ئێزدییەکا ڕۊچەگېرتەی جە ڕووەکا یەرەشەمە و چوارشەمە و پەنج شەمەینە گیریۆ. چی ڕووانە ونەو حیچ بوونەوەرێوە مەمجیۆ، پارێز جە هەرمانۍ و قسۍ خراپۍ کەراو ھەرمانە مەکەراو تەنیا نما کریۆ. پۊکەی ڕووۍ وەڵۍ دەسپنەکەرڎەی ڕۊچېنە یەعنی ڕۊو دووەشەممەی گرد بنەیانېوە حەیوانۍ سەرەبڕا و ئی ڕووەیە بە "ڕۊو سەرەبریە" نامۍ بری. حەرپاسە ڕۊو جومعەی بۊنە ڕۊو جەژنەو ئێزدییا.
