بنەیانەکێ بە مەبەسوو لوای پەی ئیمراڵی داواکارییشا بەرز کەرڎۊ
بنەیانەو ڕابەروو گەلوو کوردی عەبدوڵا ئۊجالانی و بنەیانەو زیندانیای تەروو ئیمراڵی تا بتاوا سەرێ ئیمراڵی بدا داواکاری گردینوو کۊماریی بورسای و ڕاوەبەرایەتیی زیندانوو ئیمراڵییشا کەرڎێوە سەر.
محەمەد ئۊجالان براو ڕابەروو گەلوو کوردی عەبدوڵا ئۊجالانی و پارێزنەرەکەش مەزڵوم دینچ تا بتاوا سەرێ ئیمراڵی بدا داواکارییشا پێشکەشوو بە داواکاری گردینوو کۊماریی بورسانە و ڕاوەبەرایەتیی زیندانوو ئیمراڵیی کەرد.
عەلی کۊنار براو عومەر خەیری کۊنار، پۊڵاد یەڵدرم براو حامیلی یەڵدرمی و مەلیحە چەتینە واڵێ وەیسی ئاکتاشیچ پەی هەمان مەبەسی داواکارییشا بەرز کەرڎۊ.
٢٥ی ئاداروو ٢٠٢١یوە بە حیچ جۊرێ حیچ هەواڵێوە ڕابەروو گەلوو کوردی عەبدوڵا ئۊجالانی نیا.
پارێزنەراو ئۊجالان بەمەبەسوو دیداری حەفتێ دووێ جارێ داواکاری پێشکەش کەرا، وەلێ جواب مەدریاوە.
ماوەو ١٢ ساڵی وەڵینینە پارێزنەرێ ٥ جارێ تاوانشا چەمشا بە ڕابەروو گەلوو کوردی عەبدوڵا ئۊجالانی گنۊ. دمایین دیدارشا ٧ ئاب/ئۊگوستوو ٢٠١٩ بێ.
