بۆردیۆنە هرووژمەکەو سلێمانی شەرمەزارکریا
بۆردیۆنە جە چالاکی شەرمەزارکەردەی گەشمەرڎەکەرڎەو ڕۆنامەوانا ژەنێنە، وچیا: "پەنەوازا هیچ کوردێوە بەشەرەف ئی نامەردی و خیانەتەیە قبووڵ نەکەرۆ".
بە دیمەن
شارو بۆردیۆو فەرەنساینە دژو گەشمەرڎەکەرڎەی ڕۆنامەنویسا گوڵستان تارۍ و هێرۆ بەهادینینە چالاکی کریا.
کورڎەسانیا سەرو داواو ناوەندو کوردی دیموکراتیکی بۆردیۆی و مەجلیسو ژەنا کوۍ بیێوە، جە چالاکییەکەنە بەدیعە قامیشلۆ قسێش کەردۍ.
بەدیعە ئەرەیاۋناش ئی هرووژمە دژو مافەکا مرۆڤی و یاساکا جەنگین، ئینە لاوازی و شکسو دەوڵەتو تورکی نیشانە مڎۆ، واتش: "پەدەکە کە ڕەوایەتی بە ئەرەگیری دەوڵەتو تورکی مڎۆ، ۋەرپەرسی سەرەکی ئی کۆمکوژییانە. پەنەوازا هیچ کوردێوە بەشەرەف ئی نامەردی و خیانەتیە قبووڵ نەکەرۆ. دیسان گەشمەرڎە گوڵستان تارۍ و هێرۆ بەهادینۍ یاڎمارمێوە و هرووژمەکەی شەرمەزار مکەرمۍ".
