جە مېیانو ۋێڕاوەبەری دیموکراتیکینە جە بروکسلو پایتەختو بەلجیکیای ١٣ەمین ساڵیاڎو شۆڕشو ١٩و تەمموزو ۋەرنیشتی بە چالاکیێوە پیرۆزکریا. چالاکییەکە بە دەیەقێوە ڕێزگێرتەی جە گەشمەرڎا ئازادی کورڎەسانی دەسشپنەکەرڎ.

نوێنەرو ئیدارەو ۋێڕاوەبەری ئەرشەم ئەحمەد ئاماژەش بە ئەوەفاڕیا خێراکا جە هەرێمەکەنە کەرڎ و جەختش چانەیە کەرڎۆ کە بە هێزکەردەی یۆبیەی گەلا جە گرڎ کاتې زیاتەر پەنەوازا؛ هەرپۊکەی فشار و سەپنای یەک زوان، یەک نەتەوە یان یەک مەزهەبی قبوڵ نمەکریۆ.

بە نامې جەمەو بنەیانەو گەشمەرڎاوە ئەڎا سوڵتانە قسێش کەرڎې و ئاماژەش پانەیە دا شۆڕش پەی گەلا پیرۆزا و واتش: "پەی پارېزنای ئی شۆڕشەیە ئەشۊ متمانەما بە ڕابەر ئاپۆی بۆ و بە هۆشیاریۆ گۆشش دارمێنە."

هەرپاسە هامسەرۆکو کۆنگرەو گەلی ڕەمزی کارتاڵ ئاماژەش پانەیە دا کە ۋەرنیشتەنە بە سەرمەشقایەتی ژەنا ئازادی گلېرگەی دیموکراتیک بنیاڎ نریا و واتش: "بە پارادایمو ڕابەر ئاپۆی ئەشۆ نزیکۍ شۆڕشو ۋەرنیشتی بیمێوە و پېوەرە خاوەنداریش چنە بکەرمې."

جە دمادمایی قسەکانە بەڵگەفیلمێوە سەرو شۆڕشو ١٩و تەمموزو ۋەرنیشتی نیشانەدریا. هەرپاسە جە چالاکییەکەنە هونەرمەڼا خەلیل خەمفین، حەکیم سەفکان، بەنگی ئاگری و پەیوان ئارژین لوې سەرو ستەیجی، سڵامشا ۋنەو شۆڕشو ۋەرنیشتی کەرڎ و بانگەوازشا پەی یۆبیەی کەرد.

چالاکییەکە سەعات 17:00 دەسشپنەکەرڎ ماوەو سەعاتێوەش خواینا.