شۆڕشی ڕۆژئاوا لە دۆرتموند پیرۆزکرا
بەبۆنەی ساڵیادی شۆڕشی ڕۆژئاوا لە ناوەندی کۆمەڵگەی کوردی دیموکراتیکی دۆرتموند، چالاکییەک ئەنجامدرا.
تەڤگەری گەنجانی شۆڕشگێڕ (تەجەشە) بەبۆنەی ١٣هەمین ساڵیادی شۆڕشی ڕۆژئاوا لە ناوەندی کۆمەڵگەی کوردی دیموکراتیکی دۆرتموند لە ئەڵمانیا، چالاکییەکی ڕێکخست.
ئاهەنگەکە بە خولەکێک ڕێزگرتن بۆ یادی شەهیدانی ئازادیی کوردستان دەستی پێ کرد. پاشان دەربارەی دەسپێکی شۆڕشی ڕۆژئاوا، پێشهاتە مێژووییەکان و ڕۆڵی لە ڕۆژهەڵاتی ناوەڕاست وەک مۆدێلێکی چارەسەری، قسە کرا.
لە چالاکییەکەدا هەڵسەنگاندن بۆ پارادایمی "ئاشتی و کۆمەڵگەی دیموکراتیک"ـی ڕێبەر ئاپۆ کرا و سینڤزیۆنێک دەربارەی شۆڕشی ڕۆژئاوا نیشاندرا.
پاشان بە درووشمی "بژی سەرۆک ئاپۆ" و "بێ سەرۆک ژیان نابێ" و "بژی بەرخۆدانی ڕۆژئاوا" و "ژن ژیان ئازادی" ساڵیادی شۆڕشی ڕۆژئاوا بەجۆشەوە پیرۆزکرا.
