بەرلیننە تاجەولینەی سیاو وەردەموو کونسوڵخانەو فەڕەنساینە نریارە
بەرلینوو پایتەختوو ئەڵمانیاینە پەی شەرمەزارکەردەی کۆکوشییەکاو پاریسی، تاجەولینەی سیاو وەردەموو کونسوڵخانەو فەڕەنساینە نریارە.
چالاکییەکە لاو مەجلیسوو ژەنا دەست دای وەش کریا. ئەنداماو مەجلیسوو دلێ- بەرلینی بەشدارێ چالاکییەکەێ بێنێ.
چالاکییەکەنە ئەرەیاوناێوە ونیاوە و دیاری کریا، وەروو ئانەی حکومەتوو فەرەنسای ماوەو ١١ ساڵا هیچ قسیوەش بارەو کۆکوشیی ٩ کانوونوو دووەمیوە نەکەرد، کۆکوشی ٢٣ کانوونوو یوەمی ڕووەش دا.
ئەرەیاونایەکە دەسنیشان کریان، هەتا تاوانباراو ئی کۆکوشییە ئاشکرا نەکریا، کۆشیای دادپەروەری بەردەوام بۆ.
تەماموو چالاکییەکەینە دروشموو "سارا ڕۆژبین روناهی، ژەنی، ژیوای، ئازادی" بەرزێ کریێوە. چالاکێ تاجە ولینێ سیاوێشا وەردەموو کونسوڵخانەینە نیێرە و داوا کریا دۆسیەکە دریۆ دەسوو هەرمانبەدەساوە.
