هامسەرۆکۊو کۆنسەو ڕاوەبەری کەجەکەی بەسێ هۆزاتە جە کۆنگرەو نائاسی ١٢ـەمینو پەکەکەینە قسێش کەرڎۍ و واتش: " تاریخێوە تازە منویسمېوە. بێگومان پەکەکە دەورو ۋێش گێڵنا و سەردەمی تازەی سەرو ئی میراتییە بنیاڎ منیەیمۍ."
هامسەرۆکۊو کۆنسەو ڕاوەبەری کەجەکەی بەسێ هۆزاتە واتش: "تاریخ یاگێ وێشەنە یاگەگیر مکریۆ و بیمۍ سەرمەشقۍ ئی قۆناغەیە." باسش چانەیچ کەرڎ ڕابەر ئاپۆ تەڤگەرو ئازادیش گۊرە و بەهێزتەر کەرد.
هامسەرۆکۊو کۆنسەو ڕاوەبەری کەجەکەی بەسێ هۆزاتە جە کۆنگرەو نائاسی ١٢ـەمینو پەکەکەینە قسێش کەرڎۍ و جە قسەکاشەنە بە وەشەسیای و شکۆوە سڵامش ۋنەو ڕابەر ئاپۆی کەرد. هەرپاسە بەڕێز و پنەزانای و وەشەسیایۆ کادراو ئەرەمەرزنەرۍ پەکەکەی عەلی حەیدەر قەیتان و ڕەزا ئاڵتوونش یاڎۍ ئاوردۍ.
هۊرسەنگنای و قسەکۍ بەسێ هۆزاتۍ جە کۆنگرەکەنە پی جۊرەنۍ:
"سەرەتا بە وەشەسیای و شکۆوە سڵام ۋنەو ڕابەر ئاپۆی مکەرو. هەرپاسە بەڕێز و پنەزانای و وەشەسیایۆ یاڎو کادراو ئەرەمەرزنەرۍ پەکەکەی عەلی حەیدەر قەیتانی و ڕەزا ئاڵتوونی مکەرووە. جە کەسایەتی هەردووە هەڤاڵینە گرڎو گەشمەرڎا شۆڕشی بە ڕێز و شکۆوە یاڎ مارووە. هەرپاسە ساڵیاڎو جە قەنارەدای دەنیزەکان و بەڕێز و شکۆوە یاڎشا مکەرمېوە.
بەڕاسی ئی کۆنگرەیە فرە گرنگا. دماو ٥٢ ساڵا جە مڎرامانی کۆنگرێوە پی جۊرە جە گرڎ ڕوێوە، هەم جە ڕوو هەستیارییوە بێگومان کاریگەریی سەرو ئینسانی منیۆرە، بەڵام ۋەرو چێشی ئی کۆنگرەیە ئەنجام مڎەیمۍ، چی یاوایمۍ ئی ئاستە، کاتێ ئینسان بە قوڵیی چینەی مېیاوۆنە، پېسە ئانەی ڕابەرایەتیچ واتش، بەڕاسی ئینە دمایی ئارڎەی نیا، سەرەتێوە تازەن. پرۆسێوە فاڕیای و سەر جەنۆ وەشبیەیۊن. کاتێ ئینسان بە قوڵی تەماشەو تاریخو ئەوەکۊشای ۋێش مکەرۆ و کاتێ هەوڵ مڎۆ بە قوڵی بیاوۆنە جە دیدگاکاو ڕابەرایەتی سەرو ئی قۆناغیە، ئینسان فرە بە ئاسانی متاوۆ ئی ئەنجامیە هۊرگێرۆ. پۊکەی متاومۍ ۋێما چا ژیۋگە هەستیارییە ڕزگار بکەرمۍ. چی ڕوانگۆ ئینانا چی ئەزموونەنە و گەرەکما ئینەی بەربڕو.
کۆنگرەکۍ سەرو بنەماو گوزارشتەی سیاسی ڕابەرایەتی ئەنجام دریێنۍ
بێگومان ڕوانگەکێ ڕابەر ئاپۆی فرە سەرنج ڕاکێشێنێ، ڕابەرایەتی ڕاپۆرتەو سیاسیش پێشکەش وگرڏ کۆنگرەی کەردەن. جە چنین کۆنگرێنە کە بەشدارێ بیێنمێ ئا ڕاپۆرتێ ونریێنێ، بە بەشداربییەی ڕابەرایەتی کۆنگرێوە چی جۆرە ئەنجام دریۆنە. ڕاپۆرتەو سیاسی ڕابەرایەتیما پێسەو چانسێوە گۆرەی واناوە. بێگومان خوڵقناو ئی زەمینەیە جە ئەنجامو ئەوەکۆشایێ گۆرە پێکئامان. یانی دەسپنەکەردەو ئی کۆنگرەیە سەرو ڕاپۆرتەو سیاسی ڕابەرایەتی، ئەنجامی ئەوەکۆشایێ فرە گۆرەش بئ. بە دڵنیاییۆ مییانو ئی ئەوەکۆشایە ئیمراڵی بێ. ماوەو ٢٦ ساڵا جە ئیمراڵینە ئەوەکۆشای بێهاوتا جە ئارانە بێ. پێسەو تەڤگەریش جە سقڵەو ١٩٩٩ەوە، بێگومان وەڵێ ئا کاتەیش بییەن. بەڵام گەرەکما بە تایبەت دماو پیلانگێڵی هورسەنگنونە، پێسەو تەڤگەری جە دەورو هێڵەو ڕابەرایەتی ئەوەکۆشایێ بەرمێ ڕاوە. مڏرامان مکەرمێ، مڏرامان و بڕوا چاکە هورگێرمێ. ئەر بەرگو پەنچەمو کتێبو پارێزنامەو ڕابەرایەتی نەبیێ، جە کۆنگرەو حەوتەمی بە دماوە، گەر بە ڕاو و ڕێبازێ بەشداری پرۆسەکەی نەبیێ، بەشداری و دەستوەردای ئاڏی نەبیێ جە حەقیقەتەنە کریێ ٢٦ ساڵێ خەباتێوە پاسە گۆرەما ئەنجامدا و تاومێنە بژیومێنە و جە ڕاو خەباتێوە گۆرەی یاومێنە ئی سەردەمە؟ کاتێ شۆنەو جوابو ئی پرسیارێ گێڵو، ئەر ڕابەرایەتی نەبیێ، ئێمە ئنە درێژما نەبێ. ڕابەرایەتی ئی چێوەش جە تەڤگەرەنە خوڵقنا.
ڕابەرایەتی بە تازەکەردەیۆ وێش وێش تەڤگەرش تازە کەردۆ
ڕابەرایەتی چن وێش ئافراندەن و وێش سەرجەنۆ بنیاتنانۆ، ژیوایۆش جە تەڤگەرەنە وەشکەرد، تەڤگەرش تازە کەردۆ، سەرجەنۆ بنیادش نیاوە، فاڕاش. پاسەش کەرد فاڕییۆ، گۆرەش کەرد، بەهێزش کەرد. جە ئیسەنە پێسەو ئەندامێوە ڕاوەبەرو ئی تەڤگەرەیە، ئەر پێسەو ڕاوەبەرو ئی تەڤگەرەیە پراکتیکو وێش نەفاڕۆ، نەخوڵقنۆش، ئازادش نەکەرۆ، ئانە چنین تاوۆنە چی تەڤگەرەیە فاڕییای بکەرۆ؟ بەینو گەلوو پ جەماوەرینە چنین گۆرە بییەی خوڵقنۆ؟ چنین فاڕییای بکەرۆ؟ نمەتاوۆنە خوڵقنۆنەش. ڕێبازو ڕابەرایەتی چی بابەتەنە فرە سەرنج ڕاکێشا. ڕابەرایەتی ماچۆنە من پلانێوە ١٠ ساڵەم وەش کەردەن، جە ماوەو ١٠ ساڵانە ١٠ هەزار جارێ وێم خوڵقنان. پی خوڵقنایە ئی فاڕییایا مکەرو. تاۆونە ئی فارییایە بکەرو.. کاتێ ماچۆنە من دەسبەردارو خەباتو چەکداری بونە، پەشتیش بەستێنە پی فاریییایە. ئینە فرە گرنگا. جارێوەتەر باس جە پرۆسەو فاڕییای مکەرمێنە.
هەڤاڵ سۆزدارەیچ هورسەنگنایێ گرنگش کەرد. جە گرڏو ڕاپۆرتە سیاسییەکا ڕابەرایەتینە، بەتایبەت جە ڕاپۆرتەو سیاسی ئیسەینە پی جۆرە. ڕاپۆرتێور ٢١ لاپەڕەییا، نیمەو راپۆرتەکێ باسو تاریخی مکەرۆ.
تاریخێ تازە منویسمێ
وەرفراوانی پەنەوازا. تاریخێ تازە منوئسمێ. تاریخ سەرو پەیا وێش یاگێ گێرۆنە. بیمێ سەرمەشقێ ئینەی. تاریخو ئازادی گەلا نوسیۆوە. ڕابەرایەتی گرڏ و حقەیقەتەکا وسۆنە وەرو چەما و تاریخو ئازادی گرڏ و گەلا بە گرڏ و حەقیقەتەکاشۆ یاگیەگیر مکەرۆ. بێگومان پەکەکە دەورو وێش گێڵا. پەکەکە مۆرەو وێش دا تاریخی. بەهای فرە گۆرێش خوڵقنا، ماناش خوڵقنا. نەک تەنیا پەی گەلوو کوردی، نەک تەنیا پەی ژەنێ بەڵكوم پەی گرڏ و ئینسانییەتی و گەلا، بەهای گۆرێش خوڵقنا و ئینەیچ بی بە موڵکو تاریخی. پۆکەی میراتێوە فرە گۆرەش شۆنەو وێشەرە جیا ئاست. پرۆسەی تازە سەرو ئی میراتییە بنیاد منییەیمێ. بە هێز و بوێرییۆ هورش گێرت، بە بڕواداریۆ هورش گێرت بە قەرار داریۆ پەرە پی پرۆسەیە دەیمێ. بیمێ میلیتا و سەرمەشقو ئی پرۆسە تازەیە. ئینە شکۆیێ گۆرەن. جۆش و خرۆشێوە گۆرە مڏۆ بە ئینسانی. بە پوختی ئینەیە ماچونە و سڵام جە گرڏ و هەمڕێیا مکەرو."
