دکتۆر بیپ ساڤاری سیاسەتمەداری سویسری و ئەندامو هەڵمەتەو 'ئازادی پەی عەبدوڵا ئۆجالان'، ی ئەرەیاوناش کە پەی لوایش چانەن کورد سەرکەوتنێوە گۆرە بەدەس مارۆنە و واتش: "تەنیا بە مەرجو ئانەی جە چوارچێوەو ویرۆکەکا ئۆجالانی بەردەوامێ با جە ئەوەکۆشای."

دکتۆر بیپ ساڤاری پەرلەمانتارو کانتۆنی تیچینۆو سویسرای، جە چەمپنەکەوتێوەنە جوابو پرسیارەکا ئاژانسو هەواڵو فوراتیش (ANF) دێوە.

دکتۆر ساڤاری جە سەرەتاو قسەکاشەنە جەختش وست سەرو ڕووەداکا سووریای و واتش: "بەشار ئەسەد حەجگیز دۆسو کوردی نەبییەن، ڕژێمو ئیسەیش قەولو چیوی خاسی مەرۆ، هرووژمکەردەیش سەرو وەرنیشتی یۆبێ جە  هەرمانە یوەمەکاش، هەرپاسە هەرەشەکێ سەرو کوردا زیاشا کەردەن، دەسەو تەحریرو شامی(هەتەشە) پەی دیموکراسی یاگێ هیوای نییا. ئا مۆدێلەی وەرنیشت پێشکەش کەردەن، بەڕاسی ویرۆکێوەن کە متاویۆ پەی گرڏو هەرێمەکەی وەرچەم بگیریۆنە. بەڵام بەرەو ئیسلامی کە ئەردۆغان پەشتیوانیش چنە مکەرۆ مەترسیدارا. جەکاتێنە ئەردۆغان پەی ئەرەگیرکەردەو سەرنیشتوو وەرکەوتوو سوریای لوان مەنتیقەکە، ئینە تەرسیش سەرو کوردا هەرێمەکەی زیاتەر کەردەن. وینمێ هرووژم مکەرا سەرو یاگێ ئەرەنیشتەو ژیواو کوردا. هرووژم مکەرا سەرو کۆگاکێ گەنمی، کارگە و سەرچەمەکا ئاوی. ئینێ تاوانەو جەنگینی. هەرپاسە ئەخلاقو جەنگی دلێنە بریۆ. جەنگیش ئەخلاقش هەن، پاسەن؟ ژەنی و زاڕۆڵێ ئەشکەنجە دریا. هەرپاسە کەسێ جە ئایینە جیاوازەکانە کوژیانە. پێسەو ئانەی ئا خوداوەندە کە بڕوشا پنەش هەن ڕاش بە کوشتەو گرڏو مرۆڤەکا دان جگە جە وێشا. پۆکەی جە وەرکەوتوو دلێڕاسەی و جە وەرنیشتەنە، کورد وەرگری جە شکۆو مرۆڤایەتی مکەرۆ. ئینە حەقیقەتێوەن دروشم نییا. ئێمە ئا حەقیقەتا باس مکەرمێ کە جە مەیانەکەنە وینریۆ.

جە میانو قسەکاشەنە دکتۆر ساڤاری دۆخو ڕابەر ئاپۆی و گۆشەگیرکەردەیش هۆرسەنگنا و واتش: "گۆشەگیریی عەبدوڵا ئۆجالانی هامشێوەو گۆشەگیریی ماندێلاین جە دوورگەو ڕۆبنی، بەڵام دۆخو ئاری قورستەرا. ویرۆکەکێش گۆشەگیرێ مەکریا. بانگەوازو ئۆجالانی پەی بەدەسئاردەو ئاشتین، کە ئینەو و ڕێبازو ماندێلای هامشێوەو یۆینێ، بەڵام هەردووی دۆخو ئەرەگیری و قووڵایی ویرۆکەکەی جیاوازێنێ ماندێلا وەرگیری جە دیموکراسی کەرێ، سەرو بنەماو نوێنەرایەتو یەکسانی گرڏو ڕەگەزەکا و دژو ڕەگەزپەرستی بێ. جە ئەفریقانە کۆمکوژی شارپڤیل ڕووەشدا. شێوازێ جۆراوجۆرێ ئەرەگیری و چەوەسنایۆ ئارانە بێ. جە کوردەسانەنە دۆخەکە فرە جیاوازا. جینۆسایدو جەسەیی دەرئەنجامو هەر ئەرەپڕێوە بێ، بەڵام جینۆسایدو کلتووری کەمێ دەرئەنجامش دڕندانەتەر بێ. ئەچۆمەنە دما پارێزنامەو ئۆجالانی "وەرگری کەردەی جە کوردی بێ جە چنگەو جینۆسایدو کلتووری". ئۆجالان نەک هەر بە ویر و ئەرەکۆشای وێش وەرگری جە مرۆڤەکا مکەرۆ، بەڵکوم زینەشا مکەرۆوە. هۆشیاری جەدەسشییەو خاکیشا پەی گێڵنۆوە. پێناسێوە پەی شوناسی مرۆ و پەیوەندییەکەش چنی سیاسەتی پێوەرە لگە مرۆوە. سەرەتا پەی من فرە سەرنجکێش بێ؛ ئاماژەش پانەیشدا، سیاسەت مڵکو حکومەتی نییا. ئاماژەش پانەیشکەرد، گلێرگە شناسنامێوە سیاسیش هەن و پەیوەندی ئازادییش چنی خەباتو چەکداریداری کە بەرەو سیاسەت ملۆ ئەرەمەزنانەرە. ئاڏ تەنیا خەباتو چەکداری بنیات مەنیۆ، بەڵکوم ئا ئیرادەیە ئاشکرا ملەرۆ کە بەمەڵامەتو  ئانەی ئیمکان پەی دیموکراسی مڕەخسنۆ. هورچنەی پێشکەش مکەرۆ، بەڵام مەیلو ئاڏ گفتوگۆن. ئینەیچ نیشانەو پاگیریا سەرو دیموکراسی بییەی.

جە وەرنیشتەنە دۆخەکە پاسەن؛ ئیدارەو وێڕاوەبەری دیموکراتیکی داواو ئازادکەردەو مەنتیقە ئەرەگیرییەکا مکەرۆ. چی دمایا جە کۆبانێنە گلێرۆبییەی فرێ پەی منبجی ئەنجامدریا. بەڵام دۆڵەتو تورکی بە پاو ڕێککەوتنەکەی مامەڵەش نەکەرد، هێزەکا قەسەدەی دەسشا بە پرۆسێوە تازەی کەرد پەی هۆرگێرتەیۆ یاگە ئەرەگیرییەکێ. وینمێ کوردو ئیسەی کوردەکەو وەڵتەرێ نییا. ئاڏ جە بوارو سەروازینە بەهێزێنێ، بەڵام گەرەکشانە جەڕاو دیپلۆماسییۆ ئەنجام بەدەس بارانە. ئی داواکاریێ نیشانەو ڕوانگەو ئایدیۆلۆژی-سیاسی ئۆجالانین. پۆکەی سیستەمو گۆشەگیری زەرەر بە وەرکەوتوو دلێڕاسەی یاونۆ و حیچ کەسێ سەرمەگنۆ.

د. ساڤاری ئاماژەی بەوەشکرد، پێویستە سیستمی دیموکراسی ڕاستەقینە کە لە ڕۆژئاوا، ژن و پیاو یەکسانن، بپارێزرێت و وتی: "هەڕەشەکێ تورکیای سەرو خەڵکو هەرێمەکەی بەردەوامێنێ، حەقیقەتەکە ئانەن کە بییەو هێزەکا سوریاو دیموکراتیکی تەنیا پەی پارێزناو کوردی نییا جە مەنتیقەکەنە، بەڵام جەهەمان کاتەنە پارێزناو مەسیحی، عەلەوی، ئێزیدی، کورد، سوریای و گرڏو ئەرەنیشتا هەرێمەکەینێ. بەڵام بنەماو ئایدیۆلۆژیکو قەسەدەی بەتەمامەتی سیستەمێوە ئۆتۆنۆمی دیموکراتیکا، ئانە تورکیان کە قەیرانەکەی قووڵتەر مکەرۆوە، ڕەنگە هەتەشە واچۆ: "جە ڕووەو سەروازییۆ ئێمە چنی نوسرەی و داعشی دژو کورد جەنگما کەرد و نەتاواما سەرێگنمێ، ئیسە چێش کەرمێ؟" تورکیا بە چەتەکاش جەنگ مکەرۆ، هەڕەشێ جە خەڵکی و دەستکەوتەکا وەرنیشتی مکەرۆ.

ئاڏێ جە وەراوەرو هرووژمەکا تورکیاینە بێدەنگێنێ، هەمان ئا لایەنا کە ١٠١ساڵێ چێوەڵتەر لۆزانەنە خاکو کوردیشا دابەش و پارچە پارچە کەرد. یاساو موڵکیەتو فیکری جابەجێکریا و سنوورەکێ لۆزانەنە دیاری کریێ؛ ڕێککەوتێوە١٠٠ ساڵە چنی ٤ وڵاتا ئەرەگری ئەرەمەرزیآ. کورد بەمەڵامەتو ئا پەیماننامەیۆ ڕووبەڕووو جینۆسایدو کلتووری و جەسەیی بیێوە. جە فاشیزمو تورکی چەرمەیۆ تا بیبینو عەرەبی، چاکەیشۆ پەی هەڵەبجەی و جەقەنارەدای ئێرانەنە. هرووژمەکێ سەرو وەرنیشتی تەنیا بەشێوە کولانێ تاریخینی.

کورد ڕووو ڕاسیش ئەرەگیری جە یادەوەریەکاشۆ هۆرگێرتەن. ئاڏ لانیکەم ئنەو جولەکەکا سەرو تاریخو وێشا هۆشیاریشا هەن و فرێنێ با هۆشیارییۆ داواو ئازادیی مکەرا.

هەرپاسە وەرنیشت ئینا پێگێوە ستراتیژینە، هەرپێسەو کۆسۆڤۆ کە ئینا پێگێوە ستراتیژینە چنی ئەوروپای و باڵکان. ئی مەنتیقە مەنتیقێوە گرنگو ترانزێتین و بنکێوە گرنگو ئەمریکی چاکە بییەیش هەن. ئاڏێ بەردەوامێنێ جە گفتوگۆ و هامکاری کەردەی جنی کوردی پەی ئانەی تاوۆنە وەرنیشتەنە مەنۆوە. ئینەیچ جە وەرکەوتوو دلێڕاسەینە پەیوەندیش بە سیاسەتو چبەرو ئیسرائیلیۆ هەن. بێگومان کورد جە سیاسەتەنە نەرما و جە پرەنسیپەنە جددیا، متاوۆنە چنی جوولەکەکا نیشۆرە، بەڵام بروا مەکەرو هامبەشو سیاسەتی فراوانوازییەکا ئاڏێ با.

د. ساڤاری جە دماینو قسەکاشەنە سەبارەت بە گلێرۆبییەی شاندو دەم پارتی چنی ڕابەر ئاپۆی واتش: "هۆرگێرتەو زانیاری سەرو تەندروسی عەبدوڵا ئۆجالانی، یاگێ وەشخاڵین. پەنەوازا تاومێنە بە ئاسانی و جە تەندروستییێ خاستەرەنە دەور گێڵنۆ. وێش واتش: 'ئەر دەرفەت و هەلومەرج ڕەخسیۆنە، متاوۆنە دەوری کارا جەبوارو سیاسینە نیشانەدۆنە. ئازادی و دیموکراسی واڵەو و برایەتی، دیموکراسی و ئاشتی پەی تورکیای و وەرکەوتوو دلێڕاسەین. ئۆجالان مەنتیقەکەی بە خاسی مشاسۆ هیواو پشوودرێژی و هێزش پەی وازو، ئاڏ پەیامو وێش بە گەلی یاونا، هەرپاسە گەلو کوردیش سڵامشا جە مڏرامانو ئیمرالی کەرد، گەلو کوردی دڵسۆزا بە ئۆجالانی، بەدڵنیاییۆ ئەر دیموکراسی و ڕاو دیالۆگی چنی کوردی دەس پنەکەرۆ، موخاتەبی سەرەکی ئۆجالانا."

جە دما دماو قسەکاشەنە د. ساڤاری واتش: "جەڕوانگەو منۆ کورد سەرکەوتێوە گۆ٤ە بەدەس مارۆنە. تەنیا بە مەرجێ بە ویرۆکەکا ئۆجالانیۆ بەردەوامێ با جە ئەرەکۆشای، من کەمێ کوردی مزانو؛ بژیو ئاپۆ، بژیو کوردەسان و ژەنی، ژیوای، ئازادی."