جە سەرنیشت و ۋەرکۊتوو سوریاینە هەزاران کەسۍ جە کانتۆنەکا جەزیرە و ڕەقە و تەبقەی و فوراتی دژو هرووژمەکا دۆڵەتو ئەرەگیرو تورکی و چەتەکاش پەی پارێزنای بەنداوو تشرینی، بەرەو بەنداوو تشرینی ڕاپیمایشا کەرد.

جە بەنداوو تشرینی کە هرووژمە ئەرەگیریەکۍ دۆڵەتو تورکی بەردەوامێنۍ، بە نامۍ ئیدارەو ۋێڕاوەبەری دیموکراتیکی سەرنیشت و ۋەرکۊتوو سوریای و پێکئامایەکا هەرێمەکەی ئەرەیاۋنایۍ ۋنیاوە.

جە ئەرەیاۋناکەینە بانگەواز جە هامپەیمانیی مېیاننەتەوەیی کریا کېشەکاو سەرنیشت و ۋەرکۊتوو سوریای چارەسەر بکەرۆ و هرووژمەکا دۆڵەتو ئەرەگیرو تورکی و چەتەکاش مردنۆ.

هەرپاسە تەئکیدکریاوە، هرووژمەکۍ دۆڵەتو تورکی پەی سەرو هەرێمەکەی و بەتایبەت بەنداوو تشرینی مانگێوەن بەردەوامێنۍ، ئینەیچ ژیۋای هاموڵاتیاش وستەن مەترسیۆ. هەرپاسە جەختکریانۆ، ئی تاوانا قبووڵ نمەکەرا و دژو هرووژمە ئەرەگیریەکا مرداوە.

ئەرەیاۋناکەی بە درووشمۊو "بژیۋۆ مڎرامانوو قەسەدەی" و "بژیۋۆ مڎرامانوو گەلوو کوردی" و "نا پەی ئەرەگیری تورکی" دمایش ئاما.