زینڎانیا ئازاڎیی پاژکی و پەکەکەی جە زینڎانەکا سەرنیشتوو کوردسانی و تورکیانە جە چوارچێوەو هەڵمەتەی میان دەوڵەتی "ئازاڎیی پەی عەبدوڵا ئۆجالانی، چارەسەری سیاسی پەی پرسوو کوردی" جە ٢٧و تشرینی دووەموو ٢٠٢٣ دەسشا بە مانگێرتەیۍ نادیاری کەرد.

جە درێژەو چالاکییەکەیشانە زینڎانیا ئەرەیاۋنابێشا کە ئەگەر تا ١٥و شوباتی کە ساڵڕۆو پیلانگێڵنی میان دەوڵەتین دژوو ڕابەروو گەلوو کوردی عەبدوڵا ئۆجالانی داواکارییەکەشا قبوڵ نەکریۆ، چالاکییەکەشا ملۊنە قۆناغێوە تازۆ.

زینڎانیا ئازاڎیی پەکەکەی و پاژکی ڕۊو ٣ۍ نیسانی بە نامۍ دەنیز کایایۆ بەیاننامەکەشا وەڵاکەردۆ و ئەرەیاۋناشا کە جە ٤و نیسانی کە ڕۊو جە ئەڎابیەو ڕابەر ئۆجالانیا دمایی بە مانگرتەی جە واردەی مارا و ملانە قۆناغێوە تازۆ.

چالاکیی زینڎانیا ئازاڎیی جە ١٧٠ڕووەمینشەنە بە چالاکیی بایکۆتکەردەی پەیوەندییە تەلەفۆنییەکا، چنی بنەیانەکا و نەلای پەی دادگای بەردەوامیش هەن.