چند شارێوە ئەورووپاینە هجوومەکاو دەوڵەتوو تورکی شەرمەزارێ کریێ
چند شارێوە ئەڵمانیای و فەڕەنسای و سویسرای و بەلژیکای و یۆنانینە، هجوومەکاو دەوڵەتی ئەرەگیروو تورکی پەی سەروو وەرنیشتی شەرمەزارێ کریێ.
شارەکاو مانهایموو ئەڵمانیای و بروکسلوو بەلژیکای و بێلیزۆناو سویسرای و ڕێنی فەڕەنسای و ئەسیناو یۆنانینە، کوردستانیێ و دۆسەکێشا پەی شەرمەزارکەردەی هجوومەکاو دەوڵەتی ئەرەگیروو تورکی پەی سەروو وەرنیشتوو کوردستانی کوێ بیێوە.
مانهایمنە، چالاکێ ٨ گەشمەردێ هجوومەکاشا یادێ کەردێوە و بەردەوام درووشموو "گەشمەردێ مەمرا" و "بژیوۆ سەرۆک ئاپۆ" و "بکوش ئەردۆگان"یشا بەرزێ کەردێوە و بڵاوکریێوێشا بەشێ کەردێ.
برۆکسلوو پایتەختوو بەلژیکاینە، چالاکێ ئاڵاو ڕابەروو گەلوو کوردی عەبدوڵا ئۆجالانی و یەپەگەی و یەپەژەی و ڕسمێ گەشمەرداو هجوومەکاو دەوڵەتی ئەرەگیروو تورکیشا بەرزێ کەردێوە. ئەرەیاوناێوەنە، داوا وەنەو ڕای گردینی کریا، وەراوەروو تاوانەکاو جەنگوو ئەردۆگانیوە بێدەنگێ نەبا.
شاروو بێلیزۆناو سویسراینە، کوردستانیێ و دۆسەکاێشا دژوو هجوومەکا ناڕەزایەتییشا بەروست، ئەوەخوایشا کەردۆ، تا سیاسەتوو قڕکەردەی سەروو گەلوو کوردیوە دماییش نێ، درێژە بە چالاکییەکاشا مدا.
شاروو ڕێنوو فەڕەنساینە، پەی پەشتگیریی مدرامانوو وەرنیشتی و شەرمەزارکەردەی هجوومەکاو سوپاو تورکی ئەرەگیری چالاکیێوە کریا، درووشمەکێ پەی ستایشوو مدرامانوو وەرنیشتی و شەرمەزارکەردەی هجوومەکا بەرزێ کریێوە و وەڵێکریێوێ بەشێ کریێ.
کوردسانیێ ئەسیناو پایتەختوو یۆنانینە وەردەموو باڵیۆزخانەو دەوڵەتوو تورکینە کوێ بیێوە و دماو ڕاگێرییەکاو پۆلیسی، دەسشا بە ڕاپیمای کەرد. چالاکییەکەنە ڕاگێرییەکاو حکومەتوو یۆنانی شەرمەزارێ کریێ، ئەوەخوای کریاوە تا هجوومەکێ بەردەوامێ با پێسە گەلوو کوردی مەیدانەکانە مەناوە.
