وەزیرەو کۆچ و کۆچبەراو عێراقی بەتۆمەتەو ڕاگێری جە گێڵایوە ئاوارەکا پەی دماواو وێشا سکاڵاێوی دژو وەرپرساو باڵاو پەدەکەی تۆمارە کەردێنە و قەرارا سەبای داڎگای فیدڕاڵی سەرو ئا دۆسیێ کۆ بۆوە.
قەرارا سەبای ٣١ ئاداری داڎگای فیدراڵیی عێراقی بە مەبەسو تاوتۆکەردەی سكاڵێوە وەزیرەو كۆچ و كۆچبەراو عێراقی کۆ بۆوە، جە وەختێونە، ٢٣ـی ئی مانگێ بە تۆمەتەو ڕاگێری جە گێڵایوە ئاوارەكا وەزیرەو کۆچ و کۆچبەراو عێراقی داڎگاى فیدڕاڵیینە داواى یاساییەش سەرو نێچیرڤان بارزانی، سەرۆکو هەرێمو پانیشتو کوردستانی مەسرور بارزانی، سەرۆکو حکومەتو هەرێمی ڕێبەر ئەحمەد وەزیرو دلێ تۆمارە کەردە.
بەپاو خشتەو ئەرەنیشتەیەکاو داڎگاى فیدڕاڵى قەرارا سەوای داڎگاکە بە مەبەسو تاوتۆكەردەی سكاڵێوە ئیڤان فایەقێ وەزیرەو كۆچ و كۆچبەراو عێراقی کۆ بۆوە، کە دلێشنە داوا كریان، هەرێم ناچار بكریۆ بە گێڵایوە ئاوارەكا و وستەیرەی كامپەكا.
سكاڵێکێ ئیڤان فایەقێ وەزیرەو كۆچ و كۆچبەراو عێراقی سەرو نێچیرڤان بارزانى، مەسرور بارزانى ڕێبەر ئەحمەدی تۆمارە كەردێنە.
جە سکاڵێکنەدا وەزیرەو كۆچ و كۆچبەراو عێراقی داوا جە داڎگای فیدراڵیی مکەرۆ، ئا کێشەیە یەکلایی بکەرۆوە، کە جە ئەنجامو بەیاگەیاونای قەرارو ژمارە ٢٤٠٠٧ـوو ساڵەو ٢٠٢٤ ئەنجوومەنو وەزیرانو عێراقیوە وەش بییەن و ئا کەسێ سکاڵاشا سەر کریێنە، بە بەیاگەیاونای قەرارەکەیوە پابەندێ بکریان.
حەر جە سکاڵێکێچنە ئیڤان فایەقە داوا مکەرۆ ئانێ سکاڵاشا سەرۆ تۆمارە کریێنە ڕەزامەنێ با بە بەیاگەیاونای قەرارەکەو ئەنجوومەنو وەزیراو عێراقی و وردەکارییەکاو و ئاوارەکا، کە هەرێمو کوردستانینە بگێڵنیاوە پەی ماوا وێشا.
هەرپاسە، لە سكاڵێكێنە وەزیرەو كۆچ و كۆچبەراو عێراقی باسوو ئانەیش کەردەن، هەرێمو کوردستانینە ڕاگێری جە گێڵایوە ئاوارەکا پەی یاگەکاو وێشا مکەران.
ئیە جە وەختێونە، وەڵتەرێچ چندین جارێ وەرپەرساو عێراقی ئاماژەشا پنە کەردەبێ، وەرپەرساو پەدەکەی ڕاگێری مکەرا جە گێڵایوە ئاوارەکانە پەی یاگێ وێشا.
