دەسوەڵێوستەو نونی پۍ ئازاڎیی ئۆجالانی، هەڵوێسوو سی پی تی و نەلایش پۍ ئیمراڵی شەرمەزار کەرد و داواش جە دامودەزگا یاساییەکاو نەتەوە یۊگێرتەکا کەرد، دەموو دەس سەردای ئیمراڵی کەرا و ئاژەو ڕابەروو گەلوو کوردی عەبدوڵا ئۆجالانی ڕۊشن بکەراوە.
دەسوەڵێوستەی نونی، پۍ ئازاڎیی ڕابەروو گەلوو کوردی عەبدوڵا ئۆجالانی، جە بارەو هەڵوێسوو سی پی تی، کە جە مانگەو شوباتینە سەردای تورکیایش کەرد و نەلا ئیمراڵی ئەرەیاۋنێوەش وەڵا کەردۆ.
جە ئەرەیاۋناکەینە ئامان، "سەرەڕاو گۆشەگیریی و زینڎانیکەردەی ناڕەوای و تاوانەو سیستماتیکی دەوڵەتوو تورکی ۋەران ۋەر بە ڕابەر ئۆجالانی، چنی ئانەیچە گلێرگەی میان دەوڵەتی و ڕێکوزیا و ئەرەمەرزیاکا حیچ هەڵوێسێوە جددیشا ۋەران ۋەر پا تاوانا نیشانە نەڎان".
دەسوەڵێوستەکەی هەڵوێسوو سی پی تی و نەلایش پۍ ئیمراڵی شەرمەزار کەرد و ئەرەیاۋناش، کە "ئی هەڵوێسە نیشانەش مڎۆ، کە گرڎ یۊنۍ دژوو ڕابەر ئۆجالانی، ۋێشا جە داڎپەروەری بەدوور گرتەن و تەنیا شۊنەو مەسڵەحەتوو حکومەتوو تورکیایرە گێڵا".
جە دما دمایی ئەرەیاۋناکەیچەنە ئاماژەش پانەیچ دان، "پێویسا دەموودەس سی پی تی سەردای ئیمراڵی کەرۆ و ئاژەو ڕابەر ئۆجالانی بزانۆ، پێویسا سی پی تی و دامودەزگاکۍ تەری ئاژەو حەقەتین و ڕابەر ئۆجالانی وەڵا کەراوە، سەرەڕاو هەڵوێسە شەرمەزارییەکا میان دەوڵەتی، ئێمە جە پەشتیوانییکەردەی جە قەزیەو دادپەروەرانەو ڕابەر ئۆجالانی و ئازاڎییەکەیش مەمردمۍ".
