چوارەمین دادگاییکەردەی سیاسەتمەدارەو کوردی لەیلا زانێنە، کە بە تۆمەتو "پڕوپاگەندەو ڕێکوستەی" دۆسیەش پەی کریانۆ، دادگاو ٢٧و تاوانە قورسەکاو ئەنقەرەینە، زانا چنی پارێزنەرەکەیش دادگاو فارقینینە بەشداریی ئەرەنیشتنەکەیشا کەرد.  

دۆسیەو 'پڕوپاگەندەو ڕێکوستەی'ینە داواو سزادای ئەندامبییەیش مکریۆ.

بۆنەو ٤ وتارا و دابەشکەردەی٣ بابەتاوە، دیجیتاڵ میدیانە سەردەمو چالاکییەکاو ورچنیەی ١٥و 2014، سکاڵێوە یاساییە سەروو لەیلا زانێ تۆمارە کریێنە، هەرپاسە داواکاری گردین ئەرەنیستەی وەڵیننە بە تاوانو "پڕوپاگەندەی ڕێکوستەی" دژش سکاڵای یاساییەش تۆمار کەردە. بەڵام دمایی داواکاری گردین واتش، کە مەرجەکاو "ئەندامبییەیی ڕێکوستەینە" دادگاو باڵاینە  یاویا یاگێ و داواش کەردێنە زانا سەرو بانگەشەو "ئەنداممبییەی ڕێکوستەینە" سزا بدریۆ.

سەرو داواو ئیبراهیم چەلیکری پارێزنەرو زانێ، دادگا داواکەش قبووڵ کەرد و ئەرەنیشتەیەکەش پەی ٢ی تەمووزی دماوست.