و شوباتو ٢٠١٣ینە چالاکیێوەنە گەڕەکەو شەهیدلیکو یەنیشەهیرو ئامەدینە سەیارێوی زرەپۆش وەنەو گەنجێوەش دا بە نامێ شاهین ئۆنەری ١٩ ساڵەی و کوشتش. بارەو سایقەکەیشۆ پۆلیس بە نامێ سەلاحەدین کۆرکمازیوە دۆسیێوەش کەردەبێوە. ٢٣ێ تشرینو دووەمو ٢٠٢١ینە بە تاوانو "کەمتەرخەمی مەبەسداری کە بییەن مایێ مەردەی" سزاو ٤ ساڵا و ٥ مانگا و ١٠ ڕوا زیندان ملوو کۆرکمازیرە سەپییا. بەڵام ئا سزێ لاو دادگاو لوایۆپۆرەیوە ورەشنیاوە و واوەی دادگاییکەردەیوەی کۆرکمازی دەسش پەنە کەردۆ.

ئەرەنیشتەیی دۆسیەکەینە یوەم دادگاو سزا قورسەکاو ئامەدینە، پۆلیسی تۆمەتبار و پارێزنەرەکەش ئامادێ نەبیێ. پارێزنەرو بنەیانەو ئۆنەری، یەعقوب گوڤەنی ئەرەنیشتەیەکەینە ئامادە بی. هەرپاسە پەرلەمانتاراو دەم پارتی سەڤیلای چەلەنک و عەدالەت کایا چەمداریی ئەرەنیشتەیەکەیشا کەرد.

پاڕێزنەر یەعقوب گوڤەن وەرگێرینامەکەنە باسوو ئانەیش کەرد، کە گردو قۆناغەکاو دادگاینە جەختشا کەردەنۆ، کە تاوانەکە بە مەبەس کریان.  

درێژەنە گوڤەن وستش ڕووە، کە پۆلیسەکێ دماو ڕووەدایەکەی ئا کەسێ کە گەرەکشا نەبییەن شایەتی بدانێ پیسە شایەتی قسێسا ورەگیریێنە و پێسە بەردەوام بێ، "هێزە ئەمنییەکێ هەوڵێ مدانێ بەڵگەکا دلێنە بەرا و پەی پارێزنای هامڕاکەیشا بەڵگەکێشا دلێنە بەردێ".

گوڤەن ئاماژەش کەرد، کە ڕووداوەیەکەینە "مەبەسو کوشتەی" هەن و داواش کەردە، تاوانبار زیندان بکریۆ.

دادگا داواو گێرتەی تاوانباریش ڕەتە کردۆ و ئەرەنیشتەیەکە پەی ٩و تشرینو یوەمی مەنۆ.