دەبەپە ئەرەیاونێوە نویسریاش وەڵاکەردۆ و شێخ سەعید و هەڤاڵاش یاڏوستیمێ کە جە ٢٩و حوزەیرانو ١٩٢٥ جە مێڏانو دەروازەو کەشمو ئامەدی جە قەنارەدریێ. 

جە ئەرەیاوناکەینە ئاماژە پانەی کریان کە شێخ سەعید جە وەراوەر و سیاسەتو نکۆڵیکەردەی، دلێنە بەردەی و تاونایۆ دۆڵەتیش مڏرامانش کەرد و ماچۆنەیش، ئی مڏرامانە تەنیا پەی کوردەسانی نەبییەن، پەی گرڏ و گەلی و باوەڕییەکا ئی جوگرافیایە بییەن. 

جە ئەرەیاوناکەینە باس چانەی کریان کە ئامانجو بنەڕەتی مڏرامانەکەی داواو  ژیوایێ یەکسان و ئازادی بییەن، وچیا: "بانگەوازەکەما پەی جابەجێ کەردە و بەهاکا دیموکراسی، مافەکا مرۆڤی، ئازادی و یەکسانی گەل و باوەڕییەکا، پەی کۆمارێوە دیموکراتیک واوەی مکەرمێوە."