ئەنداماو کۆمیتەو ڕاوەبەری مېیانو پارتو یەکسانی و دیموکراسیی گەلا (دەم پارتی) بەشێوێوە نائاسایی جە مېیانو گرڎی دەم پارتینە جە ئەنقەرە گلېرې بیێوە. جە گلېرۆبیەکەینە کە هامسەرۆکاو گرڎیی تولای حاتەم ئۆغوللاریە و تونجەر باقرخان سەرۆکایەتیش مکەرا، مردای سەرو وەڵێئامایەکا ۋەرکۊتوو مېیامینی و تورکیای مکریۆ.

تەوەری سەرەکی گلېرۊبیەکەی گفتوگۆن سەرو بانگەوازەکەو ڕابەر ئاپۆی و مەراسیمو چەک سۊچنای 'گرووپو ئاشتی و گلېرگەی دیموکراتیک'ی، هەرپاسە پېوەس بە مەراسیمەکەی سەرنج وزیۆ سەرو ئا دەورەی گنۆ سەرو پەرلەمانو تورکیای و باس جە ئەرکو پەرلەمانی کریۆ پەی پێکئاوردەو کۆمیسیۆنی.

قەرارا سەبای ئەنداماو شاندو ئیمراڵیی؛ پەروین بۆڵدانە و ئۆزگور ئەرۆل و میدحەت سانجار چنی یڵماز تونچی وەزیرو دادی، دەوڵەت باخچەلی سەرۆکو مەهەپەی و ئەحمەد داودئۆغڵوی سەرۆکو پارتو ئایندەی کوې باوە. کۆمیتەو مېیانی هەڵوێسە سەرو ئی گلێرۊبیەیە مکەرۆ.

چەمەڕا مکریۆ دماتەر واتەواچەو دەم پارتی، ئایشەگوڵ دۆغانە پېوەس بە گلېرۆبیەی و تەوەرە هۊرسەنگیاکا کۆنگرێوە ڕۆنامەوانی ئەنجام بڎۆ.