کاندیداو شارەوانیی شاری گەورەو مێردینوو دەم پارتی، گوڵیزار ئیپەک و دەڤریم دەمیر و سەمیرە دەیمرل کۆت و نەجلا فیگان ئاڵتینداگ و ئەحمەد تورک و محەمەد نەورۆز تورک و نازم کۆک و نورەڵا کیلیچ و عەبدولوەهاب ئیرماک، بەرنامەو ئشناسنایەکەینە بەشدارێ بێنێ. بەرنامە ڕاستەوخۆکەنە گراند ئوتێل، کاندیدەکێ ئشناسنیێ.

کیانەرێ و نوێنەراو پارتە سیاسییەکا و ڕێکوزیا مەدەنییەکا و هاموەڵاتێ تەماشاو بەرنامەکەیشا کەرد. حەرکاندیدێوە ٨ دەیەقێ وێش ئشناسا. تیشکەشا وستە سەروو گۆشەگیری ڕابەروو گەلوو کوردی عەبدوڵا ئۆجالانی و چالاکیی مانگێرتەی جە واردەی زیندانییەکا و ئێشکگێریی دادپەروەری.

دماو قسێ کاندیدەکا، بەرنامەکە دماییش ئاما.