سەرۆکەو فراکسیۆنو پارتی یەکسانی و دیموکراسی گەلا گوڵستان کلچ کۆچیگیتە، دماین پێش ئامایەکێش جە ڕۆژەڤەنە هۆرسەنگنێ و باسش جانەیچ کەرد، جە دۆسیەو کۆبانێنە سزای قورسە سەرو سیاسەتمەدارارە سەپیا، جە دۆسیەو پیلانەو کۆبانێنە هامڕاکێما زیاتەر جە ٤٠٠ ساڵا زیندانییشا سەرەرە سەپیا. گرد سەرنجوپێشنیارە گردیەکێ تورکیا ی جیهانی دیشا کە حیچ پاساوێ یاسایی پەی ئی دۆسیە پیلانگێڵیە نەبییەن. جە بنەڕەتەنە ئی کەیسە پیلانگێڵیە و دژوو سیاسەتو دیموکراسین. ئاکەپە نەتاواش وەرگەو سەرکەوتەی هەدەپەی گێرۆ جە ٧و حوزەیرانینە هەر پۆکەی ئی پلانکێڵنیەشە دەست پنەکەرد. هەرپاسە گەرەکشابێ هەقەو داعشی کەراوە. ئەگەر داعش تواناو ئەرەگیرکەردەو کۆبانێش بیێ، ئی دۆسیەیە نەکەرێوە."

کۆچیگیتە باسیش جانەی کەرد، بەتایبەت سەرو مەردەی یاسین بۆری، هامڕێکێما کریا ئامانج، بەڵام چا سزایانە کە دریێ بەرکەوت هامڕێکما جە مەردەی ٥٢ کەسا وەرپرسێ نیەنی. جە گرد ئا تاوانا کە تۆمەتبارێ کریێ بینی، بێتاوانێ بەرێ شیێ. دۆسیەو پیلانگێڵنی جەلایەن و دادگایۆ شکسش ئارد. هامڕێکێما سەرو وتارێ و، چالاکی و ڕاپیمای سزا دریێنی.

ئانەی تورکیانە  پەنەش وچیۆ دادپەروەری نەتەوەیی فاڕیا پەی دادپەروەری کورد، سۆسیالیست، شۆڕشگێڵ، دیموکرات و فێمینیستی.

سەرو دۆسیەو پیلانگێڵی کۆبانێ، گەرەکشانە جارێوەتەر دژوو ئۆپۆزسیۆنی پیلانە گێڵنا، گەرەکشانە گیانوو یەنیکاپی دووبارە دروست کەراوە. بۆکەی پێویسا گرد بەعالی سەرەنج وسمی سەرو پێشهاتەکا هوشیاری هەرجۆرە تەڵێوە دەسەڵاتی بیمی.