وەزیروو بەروو دەوڵەتی ئەرەگیروو تورکی هاکان فیدان، ئەنقەرەنە چەنی سەرۊکوو بەرەی تورکمانی عێراقی، حەسەن تورانی کوۍ بیێوە، دەربارەو ئی  بابەتەیە بەرەی تورکمانی عێراقی ئەرەیاوناێوەش وەڵا کەردۊ.

ئەرەیاونایەکەنە ئامان، کە هەردوی لۍ پەی هامکاری و بەدەسئاردەی بەرژەوەندیی هامبەشوو بەینیشا گفتوگۊشا کەردەن.

یاگۍ باسینە دەوڵەتی ئەرەگیروو تورکی گەرەکشا ڕاو بەرەی تورکمانی عێراقی و هامپەیمانەکاشۊ هەرێمنە و عێراقنە، بیاوۊ بە ئامانجەکاش. بەپاو ئا قسا کە وچیێنێ، ئامانجوو کۊبییەیوەکەی هەردووە لایا، پلانینە پەی دماو  ورچنیەیەکاو ئەنجوومەنوو پارێزگاکاو عێراقی.

یاگۍ باسینە تا ئیساتۍ بەرەی تورکمانی قەراش=رش نەدان، چەنی کام پارت و لایەنی پەی پارێزگاروو کەرکووکی هامپەیمانی بەسۊ، وەلۍ دماو ئی سەردایە، هەڵوێستوو بەرەی تورکمانی پەی ئەنجوومەن و پارێزگاروو کەرکووکی بەرگنۊ.  

بەپاو ئەنجامی کۊتاو کۊمیسیۊنوو ورچنیەیەکا، کورد کەرکووکنە ٧ کورسیێش دەس وستێنۍ (یەنەکە ٥ کورسیێ، پەدەکە ٢ کورسیێ)، پێکئاماو عەرەبی ٦ کورسیێ، پێکئاماو تورکمانی ٢ کورسێشا ئاردێنێ، حەرپاسە مەسیحییەکۍ جە ڕاو کۊتایۊ کورسیێوەشا مسۊگەر کەردەن.