ناوەنڎوو چاپەمەنی و ئەرەیاۋنای هەپەگەی جە بارەو چالاکی گەریلاکاو ئازاڎیی کوردسانی و هجومەکا سوپاو ئەرەگیروو تورکی جە بەینوو ١٠ پۍ ١٣و کانوونوو یوۋەمینە ئەرەیاۋنېوەش وەڵاکەرڎۆ.

ئەرەیاۋناکەی پی جۊرەنە:

" هەرێموو گەشمەرڎە دەلیلوو ۋەرنیشتوو زاپی ؛

١٢و کانوونوو یووەمیەنە، درۆنێوە بۆمب هۊرگیر وەختوو هجومینە پۍ سەروو سەنگەرەکاما، جە ئاسمانوو مېڎانوو مدرامانوو کەشوو ئێف ئێمینە وزیارە واری.

هجومەکۍ سوپاو تورکی ئەرەگیری کە بە چەکی قەڎەغەکریا و گازی کیمیاۋیی و فڕۆکەی بێفڕۆکەوانی جەنگی ئەنجامش دېنۍ؛

ڕۊو ١٠و ١١و کانوونوو یوۋەمی جە هەرێموو مەتینای، سەنگەرەکۍ مدرامانی جە مېڎانوو کەشوو ئۆرتێ جارێوە بە چەکی قەڎەغەکریاو  ١١ جارۍ بە گازی کیمیاۋیی بۆردومان کریۍ. دماتەر ئاشکرا بی ئا گازە کیمیاۋیەی کە بەکارشا ئارڎەن ڕەنگەش سوورەبیېنە.

١٢و کانوونوو یوۋەمیەنە سەنگەرەکېما جە مېڎانوو مدرامانوو سیدای جە هەرێموو زاپی بە چەکی قەڎەغەکریا بۆردومان کریۍ.

هجومەکۍ سوپاو تورکی ئەرەگیری ؛

١١ و ١٢ و ١٣و کانونوو یوۋەمی جە هەرێموو مەتینای: دەگاو دەرگەلی، دەگاو بەشیلی ٥ جارۍ هجومشا کریان سەر، هەرێموو قەندیلی: مېڎانوو شێخ ناسری جارێوە، هەرێموو خواکورکی: مېڎانوو گۆشینی، گەشمەرڎە شەریف و کەشوو ڕۆستێ ٨ جارۍ، جە گارێ دۆڵەو مێرانێ، خێرێ، کانیسارکێ و زەنگلێ ٦ جارۍ،  واتە بە گرڎی ٢٠ جارۍ  ئا یاگۍ بە فڕۆکەی جەنگی بۆردومان کریېنۍ.

هەرێمەکاو زاپی، ۋەرنیشتوو زاپی گەشمەرڎە دەلیل، مەتینا و خواکورک تۆپبۋاران کریۍ.